રાષ્ટ્રીય ફિલ્મ પુરસ્કારો : જૉલી એલએલબી, શાહિદ અને ભાગ મિલ્ખા ભાગ છવાઈ

નવી દિલ્હી, 16 એપ્રિલ : 61મા રાષ્ટ્રીય ફિલ્મ પુરસ્કારોની આજે જાહેરાત કરી દેવામાં આવી છે. પુરસ્કારોની યાદી તો બહુ મોટી છે, પરંતુ જ્યાં સુધી બૉલીવુડ ફિલ્મોનો સવાલ છે, તો જૉલી એલએલબી બેસ્ટ હિન્દી ફિલ્મનો નેશનલ ઍવૉર્ડ જીતવામાં સફળ રહી છે, જ્યારે શાહિદના દિગ્દર્શક હંસલ મહેતાને બેસ્ટ દિગ્દર્શક તરીકેનુ રાષ્ટ્રીય પુરસ્કાર મળ્યું છે.

મળતી માહિતી મુજબ જૉલી એલએલબીમાં બેસ્ટ સપોર્ટિંગ એક્ટર તરીકેનો ઍવૉર્ડ સૌરભ શુક્લાને ફાળે ગયો છે. ભાગ મિલ્ખા ભાગને બેસ્ટ કોરિયોગ્રાફી તથા જલને બેસ્ટ સ્પેશિયલ ઇફેક્ટ માટેનુ રાષ્ટ્રીય પુરસ્કાર આપવામાં આવ્યું છે. માધુરી દીક્ષિત અને જુહી ચાવલા અભિનીત ગુલાબ ગૅંગ ફિલ્મ સામાજિક મુદ્દે બનેલી બેસ્ટ ફિલ્મ જાહેર કરાઈ. શાહિદ ફિલ્મ માટે રાજકુમાર રાવને બેસ્ટ એક્ટરનો નેશનલ ઍવૉર્ડ આપવામાં આવ્યો. રંગભૂમિ બેસ્ટ નૉન-ફીચર ફિલ્મ જાહેર કરાઈ.

તેવી જ રીતે આનંદ ગાંધી દિગ્દર્શિત શિપ ઑફ થેસિયસને બેસ્ટ ફીચર ફિલ્મનો ઍવૉર્ડ આપવામાં આવ્યો. ભાગ મિલ્ખા ભાગને બેસ્ટ લોકપ્રિય ફિલ્મનો ઍવૉર્ડ પણ અપાયો. મદ્રાસ કૅફેને બેસ્ટ સાઉન્ડ ડિઝાઇનનો ઍવૉર્ડ આપવામાં આવ્યો.

English summary

The 61st National Awards is going to be announced on Wednesday, 16th April 2014, by the Directorate of Film Festivals. This prestigious honour is awarded to celebrate the best of Indian cinema, and many regional and mainstream movies are nominated.