ઉર્ફી જાવેદ પર ભડક્યો શખ્સ, કહ્યું- દેશનુ નામ ખરાબ કરી રહી છે, અભિનેત્રીએ આપ્યો આવો જવાબ
ઉર્ફી જાવેદ તેની અજીબ ફેશન સેન્સના કારણે અવારનવાર હેડલાઇન્સમાં રહે છે. જેના કારણે ઘણી વખત તેઓ ખરાબ રીતે ટ્રોલ પણ થાય છે. આવી સ્થિતિમાં એક વીડિયો સામે આવ્યો છે જેમાં મુંબઈ એરપોર્ટ પર ઉર્ફી જાવેદની ડ્રેસિંગ સેન્સ જોઈને એક વ્યક્તિએ આવી કોમેન્ટ કરી હતી, ત્યારબાદ અભિનેત્રીએ તેની ક્લાસ લીધી હતી.
ઉર્ફી જાવેદનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે. આમાં જોઈ શકાય છે કે ઉર્ફી તેના મિત્ર સાથે એરપોર્ટની અંદર જઈ રહી હતી, જ્યારે એક વ્યક્તિ તેને જોઈને કહે છે કે આવા કપડાં ન પહેરો, ભારતનું નામ ખરાબ થાય છે. આસાંભળીને ઉર્ફી જાવેદ ગુસ્સે થઈ જાય છે અને તે તેને ઠપકો આપે છે.
વીડિયોમાં ઉર્ફી જાવેદ વ્યક્તિને જવાબ આપે છે અને કહે છે, શું તારા બાપનુ કઇ જઇ રહ્યું છે? નહીં ને, તો તમે તમારું કામ કરો. તેના પર તે વ્યક્તિ કહે છે કે તે ખોટું નથી. તેનાથી ભારત અને આપણા લોકોનું નામ ખરાબ થાય છે. આ પછી ઉર્ફી જાવેદનું તાપમાન વધુ વધ્યું અને પછી તેણે વ્યક્તિની જબરદસ્ત ક્લાસ લઇ લીધી હતી.
ઉર્ફી જાવેદે વ્યક્તિને જવાબ આપતા કહ્યું, શું હું તમારી દીકરી છું? તમે તમારું કામ કરો. જો કે, બાદમાં ઉર્ફીની ટીમ વચ્ચે આવે છે અને તેમનો ઝઘડો પતાવવાનો પ્રયાસ કરે છે. મામલો શાંત થયા પછી જ તે વ્યક્તિ ત્યાંથી નીકળી જાય છે. પરંતુ ઉર્ફી જાવેદ તેના વર્તનને કારણે સોશિયલ મીડિયા પર ટ્રોલ થઈ રહી છે.
ઉર્ફી જાવેદનો આ વીડિયો જોઈને ચાહકો ગુસ્સે થઈ ગયા. એક યુઝરે વ્યક્તિને સપોર્ટ કરતા લખ્યું, તેણે શું ખોટું કહ્યું? ઉર્ફી તેનું અપમાન કેવી રીતે કરી શકે? અન્ય એક યુઝરે લખ્યું કે, 'તેણે કહેવું જોઈતું હતું કે તેણે આ કેમ પહેર્યું છે, જો તમને આઝાદી મળે તો કપડાં વિના ફરો.' એકે લખ્યું 'કોઈએ તેના ચહેરા પર સત્ય કહ્યુ.'
Click it and Unblock the Notifications
Sign in with Google
