કમલની વ્હારે સલમાન : વિશ્વરૂપમ જરૂર જુઓ યારો
મુંબઈ, 31 જાન્યુઆરી : કમલ હસને સંકેત આપ્યો છે કે તેઓ ફિલ્મ વિશ્વરૂપમ મુદ્દે હવે સુપ્રીમ કોર્ટ નહીં જાય, તો બીજી બાજુ સમગ્ર બૉલીવુડ જગત તેમના ટેકામાં ઊભુ થઈ ગયું છે. કિંગ ખાન બાદ બૉલીવુડના દબંગ સલમાન ખાને જણાવ્યું છે - હું મારા ફૅન્સને અપીલ કરુ છું કે આપ સૌ કમલ હસનની ફિલ્મ વિશ્વરૂપમ જરૂર જુઓ.
સલમાન ખાને ટ્વિટર પર લખ્યું છે - મિત્રો ફિલ્મો બે પ્રકારની હોય છે. એક સારી અને એક ખરાબ. ફિલ્મ હિટ કે ફ્લૉપ થાય, તે ટિકિટ ખરીદનાર દર્શકો નક્કી કરી શકે છે. તેથી કમલ હસનની ફિલ્મ આપ સૌ જરૂર જુઓ અને આપ જ નક્કી કરો. સલમાને લખ્યું છે કે ફિલ્મોને કોઈ સપોર્ટ નથી કરતું, ઊપરથી અમે લોકો ટૅક્સ ભરીએ છીએ, તો પછી ફિલ્મ ઉપર પ્રતિબંધ કેટલો ન્યાય ભરેલો કહેવાય? જે ફિલ્મને સેંસર બોર્ડે પાસ કરી દીધી હોય, તો ભલા દેશની એકતાને કઈ રીતે ખંડિત કરી શકે?
આ અગાઉ શાહરુખ ખાને જણાવ્યું કે બહુમુખી પ્રતિભાના સ્વામી કમલ હસનની ફિલ્મ વિશ્વરૂપમ સાથે જે કંઈ થઈ રહ્યું છે, તે ખોટું અને તથ્યહીન છે. કમલ એક મોટા કલાકાર છે અને લાંબાગાળાથી ફિલ્મી દુનિયાની સેવા કરે છે. તેમની સાથે ન્યાય થવો જોઇએ. વિશ્વરૂપમ સાથે જે થઈ રહ્યું છે, તે અંગે હું દુઃખ અનુભવું છું, કારણ કે મારી પણ ફિલ્મો ઓમ શાંતિ ઓમ, બિલ્લૂ બાર્બર અને માય નેમ ઇઝ ખાન સાથે આવું થયુ હતું. વિશ્વરૂપમના પગલે સમગ્ર ફિલ્મી દુનિયાને બદનામ અને અપમાનિત કરાઈ રહ્યું છે કે જે ખૂબ તકલીફદેહ છે.
Click it and Unblock the Notifications
Sign in with Google
