પુણેમાંથી પકડાયો પૂજાને ધમકાવનાર આશિષ

મુંબઈ, 12 જાન્યુઆરી : બૉલીવુડના જાણીતાં દિગ્દર્શક-અભિનેત્રી પૂજા ભટ્ટને અશ્લીલ મૅસેજ મોકલનાર યુવાન આશિષ સુવર્ણકાની આજે સવારે પોલીસે પુણે ખાતેથી ધરપકડ કરી છે. નોંધનીય છે કે પૂજા ભટ્ટે થોડાંક દિવસ અગાઉ જ મુંબઈના બાંદ્રા ખાતે આવેલ પોલીસ સ્ટેશનમાં કોઇક અજાણી વ્યક્તિ દ્વારા તેમને સેલ ફોન પર મોકલવામાં આવતા અશ્લીલ મૅસેજ અંગેની ફરિયાદ નોંધાવી હતી. સાથે જ તેમણે એમ પણ જણાવ્યુ હતું કે તે યુવાન તેમને ધમકીઓ પણ આપી રહ્યો છે.

પોલીસ સતત આ યુવાનને પકડવાના પ્રયત્નો કરી રહી હતી અને આખરે આજે સવારે તેને પુણેમાંથી ઝપડી લેવાયો. આશિષ નામના આ યુવાને માત્ર પૂજા ભટ્ટને જ નહીં, પણ મહેશ ભટ્ટને પણ અનેક ધમકીભર્યા મૅસેજો મોકલ્યા હતાં. પૂજાએ જણાવ્યું હતું કે ધમકી આપનાર કૉલરે તેમને જ નહીં, પણ તેમના પિતાને પણ મિસ્ડ કૉલ્સ કર્યાં.

આખરે પોલીસે આશિષ સુવર્ણકાની પુણેથી ધરપકડકરી લીધી. આશિષની પૂછપરછ કરાઈ રહી છે કે શું કામ તે એવું કરી રહ્યો હતો. જોકે એમ કહેવાય છે કે આ યુવાનનું માનવું છે કે તે માત્ર પૂજા ભટ્ટને હેરાન કરવા માંગતો હતો. તેથી આ પ્રકારના અશ્લીલ અને ધમકી ભર્યાં મૅસેજો મોકલતો હતો. મહેશ ભટ્ટને મિસ્ડ કૉલ કરવાનો ઉદ્દેશ પણ આ જ હતો.

English summary

Pooja Bhatt was getting threatening and abusive calls from last few days. Today Police picked up the man name Ashish Suvarkarna in Pune on charge of making abusive and threatening calls to Pooja Bhatt.