બેશરમ બાદ રૉયમાં સ્ટાઇલિશ ચોર બનશે રણબીર

મુંબઈ, 1 ઑગસ્ટ : બૉલીવુડના રૉકસ્ટાર રણબીર કપૂર આજકાલ ખૂબ જ વ્યસ્ત છે. એક બાજુ યે જવાની હૈ દીવાની ફિલ્મની સફળતા, તો બીજી બાજુ કૅટરીના કૈફ સાથે અફૅરની ચર્ચા અને ફિલ્મોની વણઝાર.

રણબીરની આગામી ફિલ્મ રૉયનો ફર્સ્ટ લુક પણ ઇંટરનેટ ઉપર લૉન્ચ થઈ ગયો છે. ટી સિરીઝ બૅનર હેઠળ બનતી રૉય ફિલ્મમાં રણબીર કપૂર ઉપરાંત અર્જુન રામપાલ તેમજ જૅકલીન ફર્નાન્ડીઝ મુખ્ય ભૂમિકામાં છે. ફિલ્મનું દિગ્દર્શન વિક્રમજીત સિંહ કરી રહ્યાં છે. આ તેમની દિગ્દર્શક તરીકે પ્રથમ ફિલ્મ છે.

મળતી માહિતી મુજબ જૅકલીન ફર્નાન્ડીઝ રૉયમાં બેવડી ભૂમિકા ભજવી રહ્યાં છે. રૉય એક થ્રિલર ફિલ્મ હશે. ફિલ્મમાં રણબીર કપૂર એક સ્ટાઇલિશ ચોરના રોલમાં છે, તો અર્જુન રામપાલ એક લેખક તરીકેનો રોલ કરી રહ્યાં છે. રૉય આગામી 20 જૂન, 2014ના રોજ રિલીઝ થવાની છે.

નોંધનીય છે કે રણબીર કપૂર આજકાલ કૅટરીના કૈફ સાથે અફૅર અંગે ચર્ચામાં છે, તો બેશરમ ફિલ્મમાં તેમના લુકે પણ સૌને આકર્ષ્યા છે.

English summary

Ranbir Kapoor's next movie Roy is a thriller film. Film's first look launched on internet.