અને ‘ગુન્ડે’ રણવીર સિંહને થઈ ગયો ડેંગ્યુ, હૉસ્પિટલે દાખલ

મુંબઈ, 27 સપ્ટેમ્બર : બૉલીવુડ અભિનેતા રણવીર સિંહ ડેંગ્યુના ભરડામાં સપડાયાં છે. શુક્રવારે સવારે સખત તાવના પગલે તેમને મુંબઈની એક ઉપનગરીય હૉસ્પિટલમાં દાખલ કરવામાં આવ્યાં. તપાસ બાદ જાણવા મળ્યું છે કે રણવીર સિંહ ડેંગ્યુથી પીડાય છે.

રણવીર સિંહના અધિકૃત પ્રવક્તાએ એક નિવેદનમાં જણાવ્યું કે રણવીર સિંહ છેલ્લા કેટલાંક દિવસથી ગુન્ડે ફિલ્મ માટે કોલકાતા પાસે આવેલા દુર્ગાપુરમાં શૂટિંગ કરી રહ્યા હતાં. કોઈ અવગડ ન પડે, તે માટે તેઓ તાવ છતાં શૂટિંગ કરતા રહ્યાં. જ્યારે તેઓ મુંબઈ પરત ફર્યાં અને તપાસ કરાવી, ત્યારે ખબર પડી કે તેમને ડેંગ્યુ થયો છે.

રણવીર સિંહ હાલમાં રામલીલા ફિલ્મ અંગે ચર્ચામાં છે કે જેમાં તેમના હીરોઇન દીપિકા પાદુકોણે છે. હજી એ અંગે કંઈ જણવા મળ્યું નથી કે રણવીર સિંહ કામ ઉપર ક્યારે પરત ફરશે. અલી અબ્બાસ જફર દિગ્દર્શિત ગુન્ડે ફિલ્મમાં રણવીર સાથે પ્રિયંકા ચોપરા અને અર્જુન કપૂર પણ છે.

English summary

Actor Ranveer Singh was admitted to a suburban hospital here in the wee hours of Friday morning following high fever. Doctors have diagnosed a severe case of dengue.