Ranya rao gold case : કોણ છે સોનાની દાણચોરીના આરોપમાં પકડાયેલી કન્નડ અભિનેત્રી રાન્યા રાવ?
Ranya rao gold case : કન્નડ ફિલ્મ ઇન્ડસ્ટ્રીની જાણીતી અભિનેત્રી રાન્યા રાવ સોનાની દાણચોરીના કેસમાં ફસાઈ છે. 3 માર્ચે ડિરેક્ટોરેટ ઑફ રેવન્યુ ઈન્ટેલિજન્સ (DRI)એ તેની ધરપકડ કરી હતી.
કેમ્પેગૌડા ઈન્ટરનેશનલ એરપોર્ટ (KIA) પર સોનાની દાણચોરીના આરોપમાં તેણીની ધરપકડ કરવામાં આવ્યા બાદ અદાલતે 14 દિવસની ન્યાયિક કસ્ટડીમાં મોકલી છે.
રાન્યા રાવ કોણ છે?
રન્યા રાવ કર્ણાટકના ચિકમગલુર જિલ્લાના વતની છે. તે પોલીસ મહાનિર્દેશક (પોલીસ હાઉસિંગ કોર્પોરેશન) રામચંદ્ર રાવની પુત્રી છે. તેણીએ બેંગલુરુની દયાનંદ સાગર કોલેજ ઑફ એન્જિનિયરિંગમાંથી અભ્યાસ પૂર્ણ કર્યો છે.
અભિનેત્રીના ફિલ્મી કરિયરની વાત કરીએ તો તેણીએ વર્ષ 2014માં સુદીપ દ્વારા દિગ્દર્શિત અને અભિનિત કન્નડ ફિલ્મ માણિક્યથી અભિનયની શરૂઆત કરી હતી.
આ પછી અભિનેત્રીએ વિક્રમ પ્રભુ સાથે 2016 માં આવેલી ફિલ્મ વગાહા સાથે તમિલ સિનેમામાં પ્રવેશ કર્યો. 2017 માં અભિનેત્રી પતાકી સાથે કન્નડ સિનેમામાં પાછી ફરી અને અભિનેતા ગણેશની સામે પત્રકારની ભૂમિકા ભજવી.
સોનાની દાણચોરીનો કેસ
DRIએ 3 માર્ચે રાન્યાની અટકાયત કરી હતી. તપાસમાં જાણવા મળ્યું કે તેણી છેલ્લા 15 દિવસમાં ચાર વખત દુબઈ ગઈ હતી, જેના પગલે DRIએ તેની હિલચાલ પર નજર રાખી.
એજન્સી 3 માર્ચે રાન્યાના આગમનના બે કલાક પહેલા એરપોર્ટ પર હાજર રહી હતી. રાન્યાની સાંજે 7 વાગ્યે અટકાયત કરવામાં આવી.
પોલીસને તપાસમાં અભિનેત્રી પાસેથી 14.8 કિલો સોનું મળી આવ્યુ છે. આ સોનું તેણી દુબઈથી અમીરાતની ફ્લાઈટ દ્વારા ભારત લાવી હતી. હવે એજન્સી તપાસ કરી રહી છે કે અભિનેત્રી રાન્યા એકલી જ સોનાની દાણચોરી કરી રહી છે કે કે કોઈ મોટા નેટવર્કનો ભાગ છે.
હવે તપાસની આગળની દિશા અને રાન્યાની સંડોવણી પર વધુ ખુલાસા આવવાની સંભાવના છે. હાલ રાન્યા રાવ કન્નડ ફિલ્મ ઇન્ડસ્ટ્રીમાં મોટી ચર્ચાનો વિષય બની છે.
Click it and Unblock the Notifications
Sign in with Google
