Review : માનવ તસ્કરીનું મર્દન કરતી મર્દાની : જુઓ 10 Snaps

Published: Friday, August 22, 2014, 14:52 [IST]

મુંબઈ, 22 ઑગસ્ટ : આપણે રાણી મુખર્જીને નો વન કિલ્ડ જેસિકામાં હાર્ડકોર જર્નલિસ્ટ તરીકે જોઈ ચુક્યા છે અને અભિનેત્રી મર્દાનીમાં ડબલ એનર્જી તથા એગ્રેસન સાથે પાછી ફરી છે. પ્રદીપ સરકાર દિગ્દર્શિત મર્દાની ફિલ્મમાં રાણી મુખર્જી મુંબઈ ક્રાઇમ બ્રાંચ ઑફિસર શિવાની શિવાજી રાવના રોલમાં છે. ફિલ્મ માનવ તસ્કરીના મુદ્દા પર આધારિત છે.

મર્દાનીના પ્લૉટની વાત કરીએ, તો રાણી એક ખોવાયેલી છોકરીનો કેસ હાથમાં લે છે અને તેની તપાસ કરતા તેઓ માનવ તસ્કરીના રૅકેટ સુધી પહોંચી જાય છે. કોઇક રીતે રાણીને શહેરમાં વ્યવસ્થિત રીતે ચાલતા માનવ વેપારના સામ્રાજ્ય વિશે જાણ થઈ જાય છે અને આ સખત પોલીસ ઑફિસર રૅકેટના બિગ બૉસને ઝપડી પાડવાનો ચૅલેંજ ઉપાડી લે છે. જોકે રાણી મુખર્જી પોતાના આ મિશનમાં સક્સેસ થાય છે કે પછી પાવરફુલ ગૅંગ સામે મેદાન છોડી ભાગી જાય છે? આ તો મર્દાની ફિલ્મનો મુખ્ય ભાગ છે કે જેનો જવાબ ફિલ્મ જોવાથી જ ખબર પડે.

દિગ્દર્શક પ્રદીપ સરકારે મર્દાની ફિલ્મ દ્વારા માનવ તસ્કરીનો ગંભીર મુદ્દો શક્તિશાળી રીતે ઉઠાવ્યો છે, તો વર્સેટાઇલ અભિનેત્રી રાણીએ પોતાના રોલ સાથે પુરતો ન્યાય કર્યો છે. તેમનો આ પ્રકારનો અવતાર આપણે ક્યારેય જોયો નથી. રાણી મુખર્જીએ પોતાના પાવર-પૅક્ટ પરફૉર્મન્સ વડે માત્ર સ્ટ્રૉંગ એક્ટિંગ સ્કિલ જ નથી બતાડી, પણ આ બંગાળી બ્યુટીએ કેટલાક હાઈ-ફ્લાઇં એક્શન સ્ટંટ્સ પણ પોતે જ કર્યા છે.

સામાન્ય રીતે કેટલીક ફિલ્મોમાં આપણે લૅડી દબંગ જોઈ છે, પણ રાણી મુખર્જીએ મર્દાની ફિલ્મમાં વાસ્તવિકતાની જે રીતે રજુઆત કરી છે, તે લાજવાબ છે. બીજી બાજુ મર્દાનીમાં રૅકેટના બિગ બૉસનો રોલ કરનાર તાહિર ભસીન પણ ઇમ્પ્રેસિવ રહ્યા છે. તાહિરનું પાત્ર ચીલાચાલુપણાને તોડે છે અને તે મર્દાની જેટલુ જ સ્માર્ટ બતાવાયું છે. તાહિરે પોતાના રોલ સાથે જોરદાર ન્યાય કર્યો છે.

ફિલ્મમાં રાણીના પતિ બિક્રમ રૉયનો રોલ જિશુ સેનગુપ્તાએ કર્યો છે અને તેમના ભત્રીજી મીરાએ પણ પોતાના નાનકડા રોલ સાથે ન્યાય કર્યો છે. દિગ્દર્શક પ્રદીપ સરકારે મર્દાનીમાં હ્યુમન ટ્રૅપિકિંગનો ગંભીર મુદ્દો ખૂબ જ વાસ્તવિક રીતે ઉઠાવ્યો છે કે જે કેટલાક દર્શકોના મગજને ડિસ્ટર્બ કરી શકે છે, પણ તે ઇમોશનલી અટૅચ પણ કરે છે.

ચાલો બતાવીએ મર્દાની ફિલ્મમાં રાણી મુખર્જીના બેસ્ટ Snaps અને ફિલ્મ વિશે થયેલ Tweets :