Congrats : રીતેશ-જેનેલિયાને ત્યાં અવતર્યો ‘પુત્ર-રત્ન’!

Published: Wednesday, November 26, 2014, 13:57 [IST]

મુંબઈ, 26 નવેમ્બર : બૉલીવુડના સૌથી ક્યૂટ ઑફ-સ્ક્રીન અને ઑન-સ્ક્રીન કપલ રીતેશ દેશમુખ તથા જાનેલિયા ડિસૂઝાના ઘરે 25મી નવેમ્બરે એક નાનકડો અતિથિ આવી ગયો છે. આ માહિતી પોતે પપ્પા બનનાર રીતેશે આપી છે. રીતેશે પોતાની ખુશીનો ઇઝહાર ટ્વિટર પર કર્યો અને લખ્યું - ઇટ્સ ઍ બૉય.

બસ, પછી શું હતું. રીતેશની આ ખુશીમાં બૉલીવુડના તમામ સ્ટાર્સ પણ અભિનંદન પાઠવવા લાગ્યાં. રીતેશના ટ્વિટર હૅંડલ પર ઘણા શુભેચ્છા સંદેશ આવી રહ્યા છે. કરણ જૌહર, અભિષેક બચ્ચન, બિપાશા બાસુ, લારા દત્તા, વરુણ ધવન સહિતના અનેક બૉલીવુડ સ્ટાર્સે રીતેશ-જેનેલિયાને નવા મહેમાનના આગમન પ્રસંગે અભિનંદન પાઠવ્યાં.

નોંધનીય છે કે રીતેશ અને જેનેલિયાના લગ્ન ફેબ્રુઆરી-2012માં થયા હતાં. તાજેતરમાં જ રીતેશ અને જેનેલિયા સલમાન ખાનના બહેન અર્પિતાના લગ્ન સમારંભમાં દેખાયા હતાં. રીતેશ-જેનેલિયાએ બૉલીવુડમાં તુઝે મેરી કસમ ફિલ્મ સાથે કૅરિયર શરૂ કર્યુ હતું. પછી બંનેએ મસ્તી અને તેરે નાલ લવ હો ગયા જેવી ફિલ્મોમાં કામ કર્યું.

ચાલો તસવીરો સાથે જોઇએ રીતેશ-જેનેલિયા પર ટ્વિટર વડે થઈ રહી અભિનંદન વર્ષા :

પુત્ર-રત્નની પ્રાપ્તિ

બૉલીવુડના સૌથી ક્યૂટ ઑફ-સ્ક્રીન અને ઑન-સ્ક્રીન કપલ રીતેશ દેશમુખ તથા જાનેલિયા ડિસૂઝાના ઘરે 25મી નવેમ્બરે એક નાનકડો અતિથિ આવી ગયો છે. આ માહિતી પોતે પપ્પા બનનાર રીતેશે આપી છે.