Pics : નશાખોરી વિરુદ્ધ અવાજ ઉઠાવશે સૈફ અલી ખાન

Published: Wednesday, May 8, 2013, 13:19 [IST]

મુંબઈ, 8 મે : સૈફ અલી ખાન અભિનીત ગો ગોવા ગોનના દિગ્દર્શક રાજ નિધિમોરૂ તથા કૃષ્ણ ડીકે તેમજ કલાકાર સૈફ અલી ખાન ફિલ્મના પ્રમોશન દરમિયાન નશાખોરી વિરુદ્ધ અવાજ ઉઠાવશે. ગો ગોવા ગોન ભારતની પ્રથમ ઝોમ્બી ફિલ્મ હશે.

ફિલ્મ અંગે એક પ્રેસ કૉન્ફરંસ યોજાઈ કે જેમાં સૈફ અલી ખાન અને પૂજા ગુપ્તા પણ હાજર હતાં. દિગ્દર્શકોએ જણાવ્યું કે સામાન્ય રીતે લોકો એમ માને છે કે પ્રવાસીઓ રિલેક્સ થવા, આરામ કરવા અને કેટલીક સુખદ પળો પસાર કરવા ગોવા જાય છે. અમારી ફિલ્મની વાર્તા પણ આ જ છે કે આ એક દિવસ ત્યાં શું થાય છે. ફિલ્મમાં અભિનેતા સૈફ અલી ખાને રશિયાના એક માફિયાનો રોલ ભજવ્યો છે. સૈફ ઉપરાંત કુણાલ ખેમૂ, વીર દાસ, આનંદ તિવારી તથા પૂજા ગુપ્તા પણ છે ફિલ્મમાં.

દિગ્દર્શકોએ જણાવ્યું - અમારા માટે સૈફનો લુક નક્કી કરવો એક મોટો પડકાર હતો. અમે તેમના લુક અંગે અનેક પ્રયોગો કર્યાં. તેના માટે અમે ઑસ્ટ્રેલિયન નિષ્ણાતો શૉન તથા ટૉમ લૂથરાની પણ મદદ લીધી. અમે ઇચ્છતા હતાં કે સૈફનો લુક ઝોમ્બીથી પ્રભાવિત દેખાય. તેના માટે તેમને બૉડી લૅંગ્વેજ ઉપર પણ કામ કરવુ પડ્યું.

ગો ગોવા ગોન ફિલ્મ આગામી શુક્રવારે રિલીઝ થવા જઈ રહી છે. દિગ્દર્શકો ફિલ્મની સફળતા અંગે ચિંતિત નથી. તેમને આશા છે કે આ ફિલ્મ દર્શકોને જરૂર ગમશે. ફિલ્મના નિર્માતા સૈફ અલી ખાન છે.

આવો તસવીરોમાં જોઇએ ગો ગોવા ગોનનું પ્રમોશન.