હિટ એન્ડ રન કેસમાં સલમાનની મુશ્કેલીઓ વધી શકે!

Posted By:
Subscribe to Oneindia News

મુંબઈ, 8 જાન્યુઆરી : મુંબઈની એક અદાલતે હિન્દી ફિલ્મ જગતના જાણીતા અભિનેતા દબંગ સલમાન ખાન સાથે જોડાયેલ હિટ એન્ડ રન કેસની સુનાવણી 21મી જાન્યુઆરી સુધી ટાળી દીધી છે. મુંબઈની અદાલતે સુનાવણી એટલા માટે ટાળી છે, કારણ કે ફરિયાદી પક્ષ નવેસરથી સુનાવણીના અદાલતી આદેશ સામે હાઈકોર્ટમાં જવા માંગે છે. આમ થતાં સલમાનની મુશ્કેલીઓ વધી શકે છે.

salmankhan
ફરિયાદી પક્ષ દ્વારા મુંબઈ હાઈકોર્ટમાં કેસની નવેસરથી સુનાવણી કરવાના આદેશ વિરુદ્ધ અરજી દાખલ કરવા માટે સમયની માંગણી કર્યા બાદ કોર્ટે કેસની સુનાવણી સ્થગિત કરી દીધી. સરકારી વકીલ જે વી કેન્ડ્રાલકરે સેશન કોર્ટના ન્યાયાધીશ ડી ડબ્લ્યુ દેશપાન્ડેને માહિતી આપી કે ફરિયાદી પક્ષ આ કેસમાં રાજ્ય સરકારના પ્રતિસાદનો ઇંતેજાર કરી રહ્યો હતો અને તેથી મહોલતની માંગ કરે છે.

સલમાન ખાનના વકીલ શ્રીકાંત શિવડેએ ફરિયાદી પક્ષની અરજીનો વિરોધ કર્યો અને કેસની નવેસરથી સુનાવણી તરત શરૂ કરવાનો અનુરોધ કર્યો. ન્યાયાધીશ દેશપાન્ડેએ કેસની સુનાવણી 21મી જાન્યુઆરી સુધી ટાળી દીધી અને હાઈકોર્ટ સમક્ષ અપીલ કરવા માટે ફરિયાદ પક્ષને સરકાર પાસેથી નિર્દેશ પ્રાપ્ત કરવાનો પણ નિર્દેશ આપ્યો.

નોંધનીય છે કે ગત 5મી ડિસેમ્બરના રોજ સત્ર ન્યાયાલયે કેસની નવેસરથી સુનાવણી કરવાનો આદેશ આપ્યો હતો.

English summary
A Mumbai court Tuesday postponed till Jan 21 the hearing in the 2002 accident case involving Bollywood actor Salman Khan after the prosecution sought time to appeal against the retrial order in the Bombay High Court.

For Breaking News from Gujarati Oneindia
Get instant news updates throughout the day.