જાણો કોણ છે શ્રી સૈની, જે બની બની છે મિસ વર્લ્ડ 2021ની ફર્સ્ટ રનર અપ

સૈન જુઆનઃ પ્યુર્ટો રિકોની રાજધાની સૈન જુઆનમાં થયેલ મિસ વર્લ્ડ 2021 સ્પર્ધાને પોલેન્ડની કરોલિના બિલાવસ્કાએ જીતી લીધી છે. કરોલિના બિલાવસ્કા મિસ વર્લ્ડ 2021 બની છે તો ઉપવિજેતા શ્રી સૈની(ફર્સ્ટ રનરઅપ) રહી છે. ભારતીય મૂળની અમેરિકી શ્રી અમેરિકાનુ પ્રતિનિધિત્વ કરી રહી હતી. શ્રી સૈનીની આ ઉપલબ્ધિની ભારતમાં ખૂબ જ ચર્ચા છે. જાણો કોણ છે શ્રી સૈની.

મૂળ રીતે લુધિયાણાની છે શ્રી સૈની

મિસ વર્લ્ડ 2021 સ્પર્ધા ગયા વર્ષે કોરોના મહામારીના કારણે થઈ શકી નહોતી. આ વર્ષે સૈન જુઆન, પ્યૂર્ટો રિકોમાં તેને કરવામાં આવી. આ 70મી મિસ વર્લ્ડ સ્પર્ધા છે જેને કરોલિના બિલાવસ્તાએ જીતી. શ્રી સૈની ફર્સ્ટ રનર અપ જ્યારે આઈવરી કોસ્ટની ઓલિવિયા યેસ સેકન્ડ રનર અપ રહી છે. તમને જણાવી દઈએ કે શ્રી સૈની મૂળ રીતે પંજાબના લુધિયાણાની છે. તેના મૉડલિંગમાં આવવા અને આ મુકામ પર પહોંચવાની કહાની ઘણી રસપ્રદ છે.

વૉશિંગ્ટનમાં રહે છે

25 વર્ષની શ્રી સૈનીનો જન્મ પંજાબના લુધિયાણામાં થયો છે અને પંજાબના અબોહરમાં શ્રીનુ મોસાળ છે. જો કે તેનુ પાલનપોષણ વૉશિંગ્ટનમાં જ થયો છે. શ્રી જ્યારે પાંચ વર્ષની હતી ત્યારે પિતા સંજીવ સૈની અને મા એકતા સૈની અમેરિકાના વૉશિંગ્ટનમાં શિફ્ટ થઈ ગયા હતા. ત્યાં અભ્યાસ સાથે જ શ્રી સૈનીએ સૌંદર્ય સ્પર્ધાઓમાં પણ ભાગ લેવાનુ શરુ કર્યુ અને નાની ઉંમરમાં જ મૉડલિંગમાં ઓળખ બનાવી લીધી.

12 વર્ષની ઉંમરથી પેસમેકર પર

શ્રી સૈની વિશે એક મહત્વની વાત એ છે કે તે 12 વર્ષની ઉંમરથી પેસમેકર પર છે. જ્યારે શ્રી સૈની 12 વર્ષની હતી ત્યારે સૈનીને હ્રદયની બિમારીના કારણે પેસમેકર લગાવવુ પડ્યુ હતુ. ત્યારથી તે આ મુશ્કેલી સામે ઝઝૂમી રહી છે. એક મોટી કાર દૂર્ઘટનાના કારણે તેનો ચહેરો પણ બળી ગયો હતો પરંતુ તેણે બધાથી પાર પડીને આ મુકામ મેળવ્યુ છે.

શ્રીના નામે ઘણા અવૉર્ડ

વર્ષ 2018માં શ્રી સૈનીને મિસ ઈન્ડિયા વર્લ્ડ વાઈડનુ ટાઈટલ મળ્યુ હતુ. શ્રી સૈનીએ વર્ષ 2021માં મિસ વર્લ્ડ અમેરિકાનો ખિતાબ જીતીને ઈતિહાસ રચ્યો હતો. શ્રી એમડબ્લ્યુએ નેશનલ બ્યૂટી વિધ એ પર્પઝ એંબેસેડર પણ છે. આ ઉપરાંત પણ ઘણા અવૉર્ડ તેના નામ પર છે.

English summary

Shree Saini model representing USA is first runner up of Miss World 2021