ઈબ્રાહીમ અલી ખાનને ડેટ કરી રહી છે પલક તિવારી? મા શ્વેતાએ જણાવી સચ્ચાઈ, કહ્યુ - 'બધા છોકરા સાથે...'
Palak Tiwari Ibrahim Ali Khan: ટીવી અભિનેત્રી શ્વેતા તિવારીની પુત્રી પલક તિવારી તેની માતાના પગલે ચાલી રહી છે. ગયા વર્ષે 2023માં, અભિનેત્રીએ ફિલ્મ 'કિસી કા ભાઈ કિસી કી જાન'થી અભિનય ક્ષેત્રમાં પગ મૂક્યો હતો. પોતાની પ્રોફેશનલ લાઈફ સિવાય પલક તિવારી પોતાની પર્સનલ લાઈફ માટે પણ હેડલાઈન્સમાં રહે છે.
રિપોર્ટસનુ માનીએ તો પલક તિવારી સૈફ અલી ખાનના પુત્ર ઈબ્રાહિમ અલી ખાનને ડેટ કરી રહી છે. બંને ઘણી વખત લંચ ડેટ્સ અને પાર્ટીઓમાં સાથે જોવા મળ્યા છે. હવે પલકની માતા શ્વેતા તિવારીએ આ અફવાઓ પર પોતાનું મૌન તોડ્યું છે.
Galattaને આપેલા એક ઈન્ટરવ્યુમાં શ્વેતા તિવારીએ પલક તિવારી અને ઈબ્રાહિમ અલી ખાન વચ્ચેના સંબંધોની અફવાઓ પર પ્રતિક્રિયા આપતા કહ્યું કે, 'પલક અત્યારે મજબૂત છે, પરંતુ આવતીકાલે કોઈપણ ટિપ્પણી અથવા લેખ તેના આત્મવિશ્વાસને ઠેસ પહોંચાડી શકે છે. તે હજી બાળક છે અને કેટલીકવાર આ બાબતોથી પરેશાન થઈ જાય છે. જેમ કે દર બીજા છોકરા સાથે અફેર કરી રહી છે!'
શ્વેતા તિવારીએ આગળ કહ્યું, 'મને પણ ખબર નથી કે તે આ બધું ક્યાં સુધી સહન કરશે. તે પણ તેમની ડેટિંગની અફવાઓથી આશ્ચર્યચકિત છે. તે તેની મજાક ઉડાવે છે, પરંતુ કેટલીકવાર વસ્તુઓ તેને પરેશાન કરી શકે છે.
શ્વેતા તિવારીએ આગળ દીકરી પલકના સ્લિમ ફિગર પર નકારાત્મક પ્રતિક્રિયા પર નિવેદન આપ્યું અને કહ્યું, 'તે તેને પરેશાન કરતું નથી. શરૂઆતમાં તેને આવું લાગ્યું હતું, પરંતુ હવે તે જાણે છે કે તેના જેવા દેખાતા ઘણા લોકો છે અને તેના જેવા બનવા માંગે છે. તે જાણે છે કે તેણે ઘણી મહેનત કરીને આ સ્થાન હાંસલ કર્યું છે.
તમને જણાવી દઈએ કે વર્ષ 2023માં પલક તિવારીએ સલમાન ખાનની ફિલ્મ કિસી કા ભાઈ કિસી કી જાનથી બોલિવૂડમાં એન્ટ્રી કરી હતી. જો કે આ ફિલ્મને વધારે રિસ્પોન્સ મળ્યો ન હતો, પરંતુ પલકની એક્ટિંગને ફેન્સને ખૂબ પસંદ આવી હતી. હવે સમાચાર છે કે તે ટૂંક સમયમાં તેની આગામી ફિલ્મ 'ધ વર્જિન ટ્રી'માં જોવા મળશે.
Click it and Unblock the Notifications
Sign in with Google
