Sid-Kiara Wedding: એક બીજાના થયા સિદ્ધાર્થ-કિયારા, સુર્યગઢ પેલેસમાં લીધા 7 ફેરા

બી-ટાઉનનું સૌથી પ્રિય કપલ સિદ્ધાર્થ મલ્હોત્રા અને કિયારા અડવાણી હવે કાયમ માટે લગ્ન કરી ચૂક્યા છે. હા, લગ્નની તમામ વિધિઓ પૂર્ણ થઈ ગઈ છે અને સત્તાવાર રીતે બંને પતિ-પત્ની બની ગયા છે.

બી-ટાઉનનું સૌથી પ્રિય અને સ્ટાર કપલ સિદ્ધાર્થ મલ્હોત્રા અને કિયારા અડવાણી હવે કાયમ માટે લગ્ન કરી ચૂક્યા છે. હા, રાજસ્થાનના જેસલમેરના સૂર્યગઢ પેલેસમાં છેલ્લા બે દિવસથી ચાલી રહેલી સિદ્ધાર્થ-કિયારાના લગ્નની વિધિઓ પૂરી થઈ ગઈ છે. 7 ફેબ્રુઆરીએ બંનેએ તેમના પરિવારના સભ્યોની સામે સાત ફેરા લીધા અને હવે તેઓ કાયમ માટે એકબીજાના બની ગયા છે. બંનેના લગ્નમાં બોલિવૂડના ઘણા મોટા સ્ટાર્સે હાજરી આપી હતી. જો કે અત્યાર સુધી કપલે લગ્નની કોઈ તસવીર સોશિયલ મીડિયા પર શેર કરી નથી.

લગ્નના બંધનમાં બંધાયા સિદ-કિયારા

આ પહેલા કેએલ રાહુલ અને આથિયા શેટ્ટીના લગ્ન થયા હતા. હવે વર્ષ 2023માં બી ટાઉનના આ બીજા લગ્ન છે. શેરશાહ ફિલ્મમાં બંનેની શાનદાર કેમેસ્ટ્રી ચાહકોને પસંદ આવી હતી. ફિલ્મ પછી બંનેએ એકબીજાને સમય આપ્યો, ગુપ્ત રીતે ડેટ કર્યું અને પછી એ દિવસ આવ્યો જેની તેમના ચાહકો આતુરતાથી રાહ જોઈ રહ્યા હતા. 5 ફેબ્રુઆરીથી શરૂ થયેલી વિધિ આખરે પૂરી થઈ અને પરિવાર અને નજીકના મિત્રોની સામે બંનેએ એકબીજાને કાયમ માટે પોતાના જીવનસાથી બનાવી લીધા.

5 ફેબ્રુઆરીથી શરૂ થઇ હતી રસમો

4 ફેબ્રુઆરીએ, કિયારા અડવાણી અને સિદ્ધાર્થ મલ્હોત્રા મુંબઈ એરપોર્ટથી અલગ-અલગ તેમના પરિવારો સાથે જેસલમેરના સૂર્યગઢ પેલેસ જવા રવાના થયા હતા. 5 ફેબ્રુઆરીએ, કિયારા અને સિદ્ધાર્થની મહેંદી સેરેમની થઈ અને પછી રાત્રે સંગીત સેરેમની કરવામાં આવી. જેનો વીડિયો સોશિયલ મીડિયા પર ખૂબ જ વાયરલ થયો હતો.

7 ફેબ્રુઆરીએ લીધા ફેરા

અહેવાલો અનુસાર, લગ્નના ફંક્શનમાં થોડો ફેરફાર કરવામાં આવ્યો હતો. અગાઉ બંને 6 ફેબ્રુઆરીએ લગ્ન કરવાના હતા. પરંતુ, તારીખ એક દિવસ માટે મોકૂફ રાખવામાં આવી હતી. 6 ફેબ્રુઆરીએ હળદર અને ચૂડાની વિધિ હતી. જે પછી 7 ફેબ્રુઆરીએ બંનેએ સુંદર સૂર્યગઢ પેલેસમાં સાત ફેરા લીધા. જો કે અત્યાર સુધી લગ્નની તસવીરો કપલ દ્વારા સોશિયલ મીડિયા પર શેર કરવામાં આવી નથી.

સુરક્ષાનુ રખાયુ ખાસ ધ્યાન

આ લગ્નમાં ખાસ સુરક્ષા વ્યવસ્થા કરવામાં આવી હતી. જેની જવાબદારી શાહરૂખ ખાનના એક્સ સિક્યોરિટી ગાર્ડને આપવામાં આવી હતી. લગ્નમાં કોઈ ફોન પોલિસી રાખવામાં આવી ન હતી. જેથી ફંક્શનની કોઈ તસવીર સોશિયલ મીડિયા પર વાયરલ ન થાય. વાસ્તવમાં કડક સુરક્ષાના કારણે તમામ સેલેબ્સના ફોન બહાર જ સ્ટોર કરવામાં આવ્યા હતા.

મુંબઇમાં હશે ગ્રાંડ રિસેપ્શન

સિદ્ધાર્થ અને કિયારાના લગ્નમાં બોલિવૂડની તમામ હસ્તીઓ સામેલ થઈ હતી. જેમાં શાહિદ કપૂર, મીરા રાજપૂત, કરણ જોહર, જુહી ચાવલા, મલાઈકા અરોરા જેવા મોટા સ્ટાર્સ હાજર રહ્યા હતા. લગ્નમાં અંબાણી પરિવારે પણ હાજરી આપી હતી. તમને જણાવી દઈએ કે હવે 12 ફેબ્રુઆરીએ કપલનું મુંબઈમાં ભવ્ય રિસેપ્શન થશે, જેમાં બોલિવૂડના તમામ સ્ટાર્સ સામેલ થશે. હાલમાં બંનેના લગ્નની તસવીરની ચાહકો આતુરતાથી રાહ જોઈ રહ્યા છે.

English summary

Siddharth-Kiara took 7 rounds at Suryagarh Palace