Wow : લુંટારૂં દુલ્હન જ નહીં, સ્પોર્ટી પણ છે ‘ડૉલી’...

Published: Tuesday, January 6, 2015, 10:10 [IST]

મુંબઈ, 6 જાન્યુઆરી : ફૅશન આઇકૉનિસ્ટ ઑફ બૉલીવુડ સોનમ કપૂર આપણને મોટાભાગે ગોર્જિયસ અને ટ્રેડિશનલ લુક્સમાં જોવા મળે છે.

તેમની આગામી ફિલ્મ ડૉલી કી ડોલીની અત્યાર સુધીની તસવીરોમાં પણ તેઓ દુલ્હન કે અન્ય ટ્રેડિશનલ અવતારમાં દેખાયા છે, પરંતુ તે જ સોનમનો એક નવો સ્પોર્ટી અવતાર જોવા મળ્યો છે.

ડૉલી કી ડોલી ફિલ્મની ડૉલી (સોનમ કપૂર) સ્વભાવે ખૂબ જ સાહસી અને રાઇડિંગની શોખની છે. ફિલ્મની કેટલીક લેટેસ્ટ તસવીરો તેની સાક્ષી પણ પૂરે છે.

ફિલ્મની ટીમ સાથે સંકળાયેલ સૂત્રે જણાવ્યું - ફિલ્મમાં સોનમ કપૂર ખૂબ જ સ્પષ્ટવક્તા અને બાઇક રાઇડિંગના શોખીન છે. ફિલ્મમાં મોટાભાગે તેઓ બાઇક ચલાવતા દેખાશે. સોનમ શૂટિંગ દરમિયાન રીયલી બાઇક રાઇડિંગ એન્જૉય કરતા જણાયાં.

ખેર, સોનમનો આવો નવો અને સ્પોર્ટી લુક જોઈ દર્શકો હવે આ ફિલ્મ જોવા માટે ધૈર્ય ગુમાવી રહ્યા છે. દર્શકો ડૉલી કી ડોલીનો આતુરતાપૂર્વક ઇંતેજાર કરી રહ્યા છે.

અરબાઝ ખાન નિર્મિત અને અભિષેક ડોગરા દિગ્દર્શિત ડૉલી કી ડોલી આગામી 23મી જાન્યુઆરીએ રિલીઝ થવાની છે. ફિલ્મમાં સોનમ એક લુંટારૂં દુલ્હનનો રોલ કરી રહ્યાં છે અને અત્યાર સુધી તેમનો આવો જ લુક રિલીઝ થયો હતો. ફિલ્મમાં મલાઇકા અરોરા ખાન પણ એક આયટમ સૉંગમાં પોતાની હૉટ અદાઓનો કહેર વરસાવતા દેખાશે.

Published On January 6, 2015