Click it and Unblock the Notifications
Just In
બોડીકોન ડ્રેસમાં સુહાના ખાનનો સિઝલિંગ લુક, કઝિનની પાર્ટીમાં સૌથી હોટ દેખાઈ!
શાહરૂખ અને ગૌરીની પુત્રી સુહાના ખાન ન્યૂયોર્કમાં અભ્યાસ પૂરો કરીને મુંબઈ પરત ફરી છે. તેની વાપસી સાથે જ તેના ડેબ્યુને લઈને અટકળો શરૂ થઈ ગઈ છે. ફિલ્મોની દુનિયામાં પ્રવેશ્યા પહેલા જ તે સોશિયલ મીડિયા સ્ટાર છે. તેની લોકપ્રિયતા કોઈ કલાકારથી ઓછી નથી અને લાખો લોકો તેને ઈન્સ્ટાગ્રામ પર ફોલો કરે છે. ફરી એકવાર સુહાનાએ પોતાની તસવીરોથી ઈન્ટરનેટ પર આગ લગાવી દીધી છે. સુહાનાની સાથે તેની કઝીન આલિયા ચિબ્બા પણ છે. બંને વચ્ચે સારૂ બોન્ડિંગ છે અને તેઓ ઘણીવાર સાથે જોવા મળે છે.
સુહાના ખાનનો ગ્લેમરસ લુક
સુહાનાએ તેની ઇન્સ્ટા સ્ટોરી પર બે ફોટા પોસ્ટ કર્યા છે જેમાં તે અદભૂત લુકમાં દેખાઈ રહી છે. તે આલિયા છિબ્બા સાથે પાર્ટી કરી રહી છે. આલિયાનો જન્મદિવસ 16 જાન્યુઆરીએ હતો. આ પ્રસંગે આપવામાં આવેલી પાર્ટીમાં સુહાનાએ હાજરી આપી હતી. સ્ટારકિડ્સ ફુલ પાર્ટીના મૂડમાં છે. સુહાનાએ બ્લેક કલરનો બોડીકોન ડ્રેસ પહેર્યો છે. સ્ટ્રેપલેસ ડ્રેસમાં તે ખૂબ જ ગ્લેમરસ લાગી રહી છે. તેણે સોફ્ટ-ગ્લેમ મેકઅપ કર્યો છે અને હેર પોની બનાવી છે. તેણે એક નાનકડા પેન્ડન્ટ અને ચેનથી પોતાનો લુક કમ્પ્લીટ કર્યો છે.
આલિયા પણ હોટ લાગી રહી છે
આલિયાએ આ પ્રસંગે મરૂન કલરનો સ્ટ્રેપલેસ બોડીકોન ડ્રેસ પહેર્યો છે. અન્ય એક તસવીરમાં સુહાના આલિયા સાથે મિરર સેલ્ફી લઈ રહી છે. ફોટોની સાથે સુહાનાએ કેપ્શનમાં લખ્યું- 'બર્થ ડે ગર્લ આલિયા ચિબ્બા.' આગળ તેણે વ્હાઇટ હાર્ટ ઇમોજી મુકી છે. બીજા ફોટોની સાથે તેણે કેપ્શન આપ્યું, 'હંમેશા તને પ્રેમ કરું છું.
બોલિવૂડ ડેબ્યૂની રાહ જોઈ રહી છે
નવેમ્બર 2021માં સુહાનાએ ન્યૂયોર્ક છોડવાનો સંકેત આપતી પોસ્ટ લખી હતી. હવે તેણીએ પોતાનો અભ્યાસ પૂર્ણ કરી લીધો છે અને તે દેશમાં પરત ફરી છે. એવી ચર્ચા છે કે સુહાના ડિરેક્ટર ઝોયા અખ્તરની ફિલ્મથી ડેબ્યૂ કરી શકે છે. આ ફિલ્મમાં ખુશી કપૂર અને અમિતાભ બચ્ચનના પૌત્ર અગસ્ત્ય નંદા પણ જોવા મળશે. જો કે હજુ સુધી તેની સત્તાવાર જાહેરાત કરવામાં આવી નથી.
