આ છે ટીવીની દુનિયાની સૌથી કરૂણ લવ સ્ટોરી, પ્રેમમાં આત્મહત્યા કરી ચુક્યા છે આ સ્ટાર!
હાલમાં જ ટીવી સ્ટાર વૈશાલી ઠક્કરે આત્મહત્યા કરી છે. આ આત્મહત્યા પાછળ તેની લવ લાઈફ જવાબદાર હોવાનું કહેવાઈ રહ્યું છે. જો કે આ પહેલી વખત નથી જ્યારે કોઈ બોલિવૂડ સ્ટારે આત્મહત્યા કરી હોય.
મુંબઈ : હાલમાં જ ટીવી સ્ટાર વૈશાલી ઠક્કરે આત્મહત્યા કરી છે. આ આત્મહત્યા પાછળ તેની લવ લાઈફ જવાબદાર હોવાનું કહેવાઈ રહ્યું છે. જો કે આ પહેલી વખત નથી જ્યારે કોઈ બોલિવૂડ સ્ટારે આત્મહત્યા કરી હોય. આ પહેલા પણ ઘણા બોલિવૂડ સ્ટાર પ્રેમના ચક્કરમાં જાન દઈ ચુક્યા છે.
વૈશાલી ઠક્કર
તાજેતરમાં જ ટીવી એક્ટ્રેસ વૈશાલી ઠક્કરે ગળેફાંસો ખાઈને આત્મહત્યા કરી હતી. વૈશાલી ઠક્કરની સુસાઈડ નોટમાં ખુલાસો થયો હતો કે તેનો પાડોશી તેને હેરાન કરતો હતો. આ પાડોશી વૈશાલી ઠક્કરનો એક્સ રહી ચૂક્યો છે. વૈશાલી ઠક્કરે તેના એક્સથી છૂટકારો મેળવવા માટે આત્મહત્યા કરી હતી.
પલ્લવી ડે
મોન માને ના જેવા બંગાળી શોમાં કામ કરી ચૂકેલી પલ્લવી ડેએ 15 જૂન 2022ના રોજ કોલકલા સ્થિત પોતાના ઘરમાં ફાંસી લગાવીને આત્મહત્યા કરી હતી. પલ્લવી ડે તેના બોયફ્રેન્ડ સાગનિક ચક્રવર્તી સાથે લિવ-ઈનમાં રહેતી હતી. આવી સ્થિતિમાં પોલીસે દાવો કર્યો હતો કે પલ્લવી ડેએ તેના બોયફ્રેન્ડના કારણે આત્મહત્યા કરી છે.
જીયા ખાન
વર્ષ 2013માં જિયા ખાનની લાશ તેના એપાર્ટમેન્ટમાં લટકતી હાલતમાં મળી આવી હતી. જે બાદ જિયા ખાનની માતાએ આરોપ લગાવ્યો હતો કે જિયા ખાને તેના બોયફ્રેન્ડ સૂરજ પંચોલીના કારણે આત્મહત્યા કરી છે.
પ્રત્યુષા બેનર્જી
બિગ બોસ સ્ટાર પ્રત્યુષા બેનર્જીએ પણ નાની ઉંમરે આત્મહત્યા કરી હતી. પ્રત્યુષા બેનર્જીએ પોતાના બોયફ્રેન્ડથી નારાજ થઈને આત્મહત્યા કરી લીધી હતી. જે બાદ પરિવારના સભ્યોએ પ્રત્યુષા બેનર્જીના બોયફ્રેન્ડ પર ઘણા ગંભીર આરોપ લગાવ્યા હતા.
સેજલ શર્મા
સેજલ શર્માએ પણ દુનિયાને અલવિદા કહી દીધું હતું. એવું માનવામાં આવે છે કે તેનો બોયફ્રેન્ડ સેજલ શર્મા પર કાળો જાદુ કરતો હતો. આવી સ્થિતિમાં પોલીસની શંકાની સોય સીધી સેજલ શર્માના બોયફ્રેન્ડ પર ગઈ હતી.
કુશલ પંજાબી
પત્નીના ગયા બાદ કુશલ પંજાબીએ પણ ફાંસી લગાવીને જીવ આપી દીધો હતો. કુશલ પંજાબી પત્ની અને બાળકથી અલગ થવાનું દુઃખ સહન કરી શક્યો નહીં.