Valentine Day પહેલા રોમેન્ટીક થઈ શ્રુતિ હાસન, બૉયફ્રેન્ડ શાંતનુ સાથે શેર કર્યો આવો ફોટો

Published: Wednesday, February 14, 2024, 8:45 [IST]

Valentine Day 2024: સાઉથ ઈન્ડિયન એક્ટર કમલ હાસનની દીકરી શ્રુતિ હાસન એક્ટિંગની સાથે સાથે તેની સુંદરતા માટે પણ ઘણી ફેમસ છે. તે સાઉથથી લઈને બૉલિવુડ સુધી પોતાની એક્ટિંગનો જલવો ફેલાવી રહી છે. ફિલ્મોની સાથે સાથે શ્રુતિ હસન તેના સોશિયલ મીડિયા પર પણ ઘણી એક્ટિવ છે.

તે અવારનવાર તેના ઇન્સ્ટાગ્રામ પર તેના ચાહકો સાથે તેના જીવન સાથે જોડાયેલા અપડેટ્સ શેર કરે છે. તમને જણાવી દઈએ કે શ્રુતિ હાસન તેની લવ લાઈફને લઈને લોકોમાં ચર્ચાનો વિષય રહે છે. શ્રુતિ અવારનવાર તેના બૉયફ્રેન્ડ શાંતનુ હજારિકા સાથેની રોમેન્ટિક તસવીરો શેર કરતી રહે છે.

આ વખતે પણ શ્રુતિએ તેના બૉયફ્રેન્ડ શાંતનુ સાથે એક કોઝી તસવીર શેર કરી છે. વેલેન્ટાઈન ડે પહેલા પણ શ્રુતિ હાસને પોતાના જૂના દિવસો યાદ કર્યા છે. શ્રુતિએ તેની ઇન્સ્ટાગ્રામ સ્ટોરી પર બૉયફ્રેન્ડ શાંતનુ હજારિકા સાથેના તેના સંબંધોના શરૂઆતના દિવસોની એક તસવીર શેર કરી છે.

આ તસવીરમાં કપલ આરામદાયક પોઝ આપી રહ્યું છે. આ ફોટોની સાથે શ્રુતિ હાસને યુઝર્સને વેલેન્ટાઈન ડેના અવસર પર તેમના જૂના ફોટા સોશિયલ મીડિયા પર શેર કરવા માટે પણ કહ્યું છે. શ્રુતિ હાસન છેલ્લા ત્રણ વર્ષથી તેના બૉયફ્રેન્ડ શાંતનુ હજારિકાને ડેટ કરી રહી છે.

બંને હંમેશા એકબીજા પર પ્રેમ વરસાવતા જોવા મળે છે. શ્રુતિએ તાજેતરમાં જ તેનો જન્મદિવસ ઉજવ્યો હતો. આ પાર્ટીમાં શાંતનુ પણ તેની સાથે જોવા મળ્યો હતો. આ સિવાય આ કપલ ન્યૂ યર સેલિબ્રેશનમાં પણ સાથે જોવા મળ્યું હતું.