Congrats : છ-છ બાળકોને જન્મ આપ્યા બાદ અંતે પરણી ગયાં એંજેલિના-બ્રૅડ!

Updated: Friday, August 29, 2014, 17:25 [IST]

પેરિસ, 29 ઑગસ્ટ : પહેલી વાર મિસ્ટર એન્ડ મિસિસ સ્મિથ દ્વારા રૂપેરી પડદે આગ લગાડનાર હૉલીવુડની સૌથી પૉપ્યુલર જોડી હવે રીલ લાઇફમાં મિસ્ટર એન્ડ મિસિસ પિટ બની ગઈ છે. હા જી, અહીં વાત થઈ રહી છે હૉલીવુડના હૉટેસ્ટ સેલિબ્રિટી કપલ બ્રૅડ પિટ તથા એંજેલિના જોલી વિશે કે જેમણે શુક્રવારે ફ્રાંસમાં લગ્ન કરી લીધાં.

મળતી માહિતી મુજબ એંજેલિના જોલી અને બ્રૅડ પિટ છેલ્લા નવ વરસથી રિલેશનશિપમાં છે અને બંને 6 સંતાનોના માતા-પિતા છે. બ્રૅંજેલિનાના પ્રવક્તા દ્વારા લગ્નની પુષ્ટિ કરવામાં આવી છે. બંનેએ પોતાના લગ્નમાં માત્ર નજીકના સંબંધીઓ અને કેટલાક મિત્રોને જ આમંત્ર્યા હતાં.

બ્રૅડ પિટના પ્રવક્તાના જણાવ્યા મુજબ એંજેલિના અને બ્રૅડે પહેલા કૅલિફૉર્નિયાના જજ પાસેથી લગ્નનું પ્રમાણપત્ર લીધું અને પછી ફ્રાંસ ખાતે લગ્નનું રિસેપ્શન યોજ્યું. આ પ્રસંગે તેમના છએ બાળકો પણ હાજર રહ્યા હતાં. એંજેલિના જોલી પોતાના પુત્રો મૅડૉક્સ તથા પૅક્સ સાથે નજરે પડ્યાં. તેમના બીજા બે બાળકો ઝહારા તેમજ વિવેન પણ હાજર હતા, તો બીજા બે બાળકો શિલોહ અને નૉક્સે તેમને વીંટીઓ આપી.

આ અગાઉ બ્રૅડ પિટે વર્ષ 2000માં જેનિફર એનિસ્ટન સાથે લગ્ન કર્યા હતાં, પરંતુ 2005માં બંને જુદા થઈ ગયા હતાં. બીજી બાજુ એંજિલના જોલીના આ ત્રીજા લગ્ન છે. અગાઉ તેમણે બિલી બૉબ થૉરટોન (2000-03) અને જૉલી લી મિલર (1996-99) સાથે લગ્ન કર્યા હતાં.