અમેરિકાના સેલિબ્રિટી શેફ ચાર્લી ટ્રોટરનું નિધન

લૉસ એંજલ્સ, 6 નવેમ્બર : અમેરિકાના સર્વશ્રેષ્ઠ ચાર્લી ટ્રોટર રેસ્ટોરંટોના માલિક સેલિબ્રિટી શેફ ચાર્લી ટ્રોટરનું નિધન થઈ ગયું છે. તેઓ 54 વર્ષના હતાં.

કૉન્ટૅક્ટમ્યુઝિક.કૉમ વેબસાઇટે ધ શિકાગો ટ્રિબ્યુનના હવાલાથી જણાવ્યું કે ચાર્લી શિકાગો ખાતે તેમના ઘરે બેભાન અવસ્થામાં જોવામાં આવ્યાં. ચાર્લીને તેમના પરિવારજનોએ બેભાન અવસ્થામાં ઘરમાં જોયા બાદ તેમને મંગળવારે સવારે હૉસ્પિટલ લઈ જવામાં આવ્યાં, પરંતુ તેમને બચાવી ન શકાયાં.

ચાર્લીના પત્ની રોશૅલ ટ્રોટરે મંગળવારે રાત્રે એક નિવેદનમાં પોતાના પતિના અચાનક મોત અંગેની માહિતી આપી. તેમણે જણાવ્યું - અમે લિંકન પાર્ક ખાતે આવેલ અમારા ઘરમાં ચાર્લીને આકસ્મિક રીતે ગુમાવી દેવાના પગલે ખૂબ જ સ્તબ્ધ અને દુઃખી છીએ. તેઓ બહુ પ્રિય હતાં અને આ વાતને શબ્દોમાં વ્યક્ત નથી કરી શકાતી કે અમને તેમની કેટલી ઉણપ સાલશે.

English summary

Celebrity chef Charlie Trotter, owner of Charlie Trotter's, one of the best restaurants in the US, is dead. He was 54.