ધ વોન્ટેડના લોકપ્રિય ગાયક ટોમ પાર્કરનું નિધન
બ્રિટિશ ગાયક ટોમ પાર્કનું નિધન થયું છે. વોન્ટેડ બેન્ડના લોકપ્રિય ગાયક ટોમ પાર્કરનું મગજની ગાંઠ (બ્રેઇન ટ્યૂમર) ને કારણે 33 વર્ષની વયે અવસાન થયું છે. રિપોર્ટ અનુસાર તેઓ છેલ્લા બે વર્ષથી બ્રેઈન ટ્યુમર સામે લડી રહ્યા હતા.
વોશિંગ્ટન, 31 માર્ચ : બ્રિટિશ ગાયક ટોમ પાર્કનું નિધન થયું છે. વોન્ટેડ બેન્ડના લોકપ્રિય ગાયક ટોમ પાર્કરનું મગજની ગાંઠ (બ્રેઇન ટ્યૂમર) ને કારણે 33 વર્ષની વયે અવસાન થયું છે. રિપોર્ટ અનુસાર તેઓ છેલ્લા બે વર્ષથી બ્રેઈન ટ્યુમર સામે લડી રહ્યા હતા. ટોમના મૃત્યુના સમાચાર તેની પત્ની કેલ્સીએ ઈન્સ્ટાગ્રામ પર એક પોસ્ટ દ્વારા આપ્યા, તેમણે જણાવ્યું કે, ટોમનું બુધવારના રોજ અવસાન થયું હતું.
ટોમની પત્નીએ ઇન્સ્ટાગ્રામ પર લખ્યું કે, અમારું હૃદય તૂટી ગયું છે, ટોમ અમારી દુનિયાનું કેન્દ્ર હતું, અમે તેના વિના જીવનની કલ્પના કરી શકતા નથી, અમે તેના કાતિલ મુસ્કાન અને ઉત્સાહપૂર્ણ હાજરીને યાદ કરીશું. અમે તમારા બધાના આભારી છીએ જેમણે ખૂબ પ્રેમ, સમર્થન આપ્યું છે, સાથે મળીને અમે ખાતરી કરીશું કે ટોમનો પ્રકાશ તેના બાળકો માટે ચમકતો રહેશે. ટોમને હંમેશ સપોર્ટ આપનારા તમામ લોકોનો આભાર, તે જીવન માટે અંત સુધી લડતો રહ્યો. મને હંમેશા તેના પર ગર્વ રહેશે.
નોંધનીય છે કે, ટોમને 2020માં મગજમાં ગાંઠ (બ્રેઇન ટ્યુમર) નું નિદાન થયું હતું, આ સમાચાર ઓક્ટોબર મહિનામાં સામે આવ્યા હતા. ટોમે પોતે કહ્યું કે, હું જાણતો હતો કે કંઈક ખોટું હતું પણ મને ખબર ન હતી કે તે એક સમસ્યા છે. ઉલ્લેખનીય છે કે, ટોમની પત્ની કેલ્સી સિવાય એક દીકરી ઓરેલિયા રોઝ છે, જેનો જન્મ 2019 માં થયો હતો, જ્યારે એક પુત્ર બોધી છે, જેનો જન્મ ગત વર્ષે જ થયો હતો.