બિગ બોસ 9: એક રાજા, બે રાણી, મસાજથી ચાલી પ્રેમ કહાની!

Published: Wednesday, October 14, 2015, 11:18 [IST]

બિગ બોસ 9ની શરૂઆત થતાની સાથે જ ટેલિવીઝન પરના રિયાલિટી શોનો સૌથી મોટો તમાશો પણ શરૂ થઇ ગયો છે. કોના કોના મોઢા ક્યારે ખુલશે તે તો સમય પસાર થતા જ ખબર પડશે. પરંતુ હાલમાં તો શોમાં ફુલ તમાશો ચાલી રહ્યો છે.

બિગ બોસ લાઇવ અપડેટનું માનીએ તો શોમાં એક પ્રેમ કહાની તૂટશે અને બીજી બનશે જેની શરૂઆત પ્રથમ એપિસોડમાં જ જોવા મળી હતી. પરંતુ હવે બિગ બોસના ઘરમાં જે લવ ટ્રાએંગલ બની રહ્યો છે તેને જોઇને આપ તો હસવાના જ છો, સાથે ઘરના લોકો પણ એટલુ જ હસવાના છે.

બે હંસની જોડી

કહેવાય છેકે બે લોકોની વચ્ચે કોઇ ત્રીજુ આવ્યુ તો આસપાસના લોકો ઘરમાં આગ લગાવવાની પૂરી કોશિષ કરે છે. અને તેવી જ સ્થિતિની શરૂઆત બિગ બોસમાં થઇ ચૂકી છે.

કેથ-મંદાના-રોશેલ

કેથ સકીરા અને રોશેલ રાવ રિઅલ લાઇફ કપલ છે. પરંતુ બિગ બોસમાં કેથ-મંદાના અને રોશેલ-પ્રિન્સ કપલ્સ છે. આ સ્થિતિમાં કેથ અને મંદાનાની નિકટતા રોશેલને નથી ગમી રહી.

કેથ-મંદાના-રોશેલ

સાથે જ આ બંનેની નિકટતાને લઇને ઘરના સદસ્યોએ પણ આંખો ચઢાવી લીધી છે. કારણ કે ગર્લફ્રેન્ડ સાથે હોવા છતા કેથ ખુલેઆમ મંદાના સાથે ફ્લર્ટ કરી રહ્યો છે.

એક રાજા, બે રાણી

કહી શકાય કે એક જ સમયે કેથ બે-બે યુવતીઓનું અટેન્શન સાથે એન્જોય કરી રહ્યો છે. તેણે રોશેલ (ગર્લફ્રેન્ડને) પગનો મસાજ કરવા માટે પણ કહ્યું હતુ.

મસાજની મજા

તો સાથે જ કેથના મસાજની મજા દર્શકોને પણ માણવા મળશે. કારણ કે તેમની ગર્લફ્રેન્ડ તેમના પગ દબાવી રહી હતી, ત્યારે તેમની પાર્ટનર મંદાનાએ તેમને પીઠ પર મસાજ કરવા માટે કહ્યું.