હસવા માટે નૌટંકી કરી રહ્યાં છે નેહા ધૂપિયા
મુંબઈ, 1 ફેબ્રુઆરી : બૉલીવુડના હૉટ તેમજ બિંદાસ્ત બાળા નેહા ધુપિયાએ ફિલ્મી જગતમાં આવ્યે સારો એવો સમય થઈ ચુક્યો છે, પરંતુ હજુય નેહા મૅડમને અપેક્ષિત સફળતા મળી નથી. તેથી તેમણે હવે બોલ્ડ પાત્રો છોડી કૉમેડીમાં હાથ અજમાવવાનું વિચાર્યું છે. એટલા માટે જ નેહા ધુપિયા કલર્સ ઉપર ટુંકમાં જ શરૂ થનાર કૉમેડી શો નૌટંકી : ધ કૉમેડી થિયેટરમાં જજ તરીકે આવનાર છે. તેમનો સાથ આપશે બૉલીવુડના મહાન કલાકાર અને જમ્પિંગ બૉય તરીકે જાણીતાં જિતેન્દ્ર તેમજ તેમના પુત્ર અભિનેતા તુષાર કપૂર.
કૉમેડીને ખૂબ જ ટફ માનતાં નેહા ધુપિયાનું કહેવું છે કે લોકોને હસાવવું ખૂબ જ મુશ્કેલ છે, પરંતુ મુશ્કેલ કામ કરવામાં તેમને મજા પડે છે. તેથી જ તેઓ કૉમેડી શો માટે તૈયાર થયાં.
નેહા ધુપિયાએ જણાવ્યું કે આ શો બાદ તેઓ ટુંકમાં જ એક કૉમેડી ફિલ્મ પણ દેખાશે. આ ફિલ્મમાં તેઓ લીડ રોલમાં છે. જોકે આ અંગે તેમણે વધુ કોઈ ખુલાસો ન કર્યો. ટેલીવિઝનને સાંપ્રત પ્રવાહનું સશક્ત માધ્યમ ગણતાં નેહાનું કહેવું છે કે આજે મોટા અને નાના પડદામાં કંઈ ખાસ ફેર નથી. ટેલીવિઝનમાં લોકો ખૂબ વધુ પૉપ્યુલર છે. નેહાને લાગે છે કે તેમનો શો નૌટંકી : ધ કૉમેડી થિયેટર જરૂર હિટ થશે. કૉમેડી ફિલ્મ બાદ નેહા ટુંકમાં જ કરણ જૌહરની ઉંગલી ફિલ્મમાં પણ દેખાશે. નૌટંકીનું પ્રસારણ 2જી ફેબ્રુઆરીથી શરૂ થવા જઈ રહ્યું છે.
Click it and Unblock the Notifications
Sign in with Google
