Comedy Nights@100 : જુઓ ધમાલ-મસ્તી ભરી યાદગાર Moments!

Published: Monday, August 4, 2014, 13:08 [IST]

મુંબઈ, 4 ઑગસ્ટ : કલર્સના લોકપ્રિય ટેલીવિઝન શો કૉમેડી નાઇટ્સ વિથ કપિલે 100 એપિસોડ પૂરા કર્યા છે અને બહુચર્ચિત કપિલ શર્માએ ટ્વિટર પર પોતાની ખુશી વ્યક્ત કરી છે. માત્ર 26 એપિસોડની મંજૂરી સાથે શરૂ થયેલ આ શો આજે 100 એપિસોડ પૂર્ણ કરી મોસ્ટ વૉચ્ડ ટેલીવિઝન શો બની ચુક્યો છે.

કપિલ શર્માએ તાજેતરમાં જ જણાવ્યુ હતું - કૉન્ટ્રૅક્ટ માત્ર 26 એપિસોડનો હતો. જ્યારે શૂટિંગ શરૂ થયું, ત્યારે ચૅનલે તેના એપિસોડની સંખ્યા વધારી 36 કરી. જ્યારે મેં બેથી ત્રણ એપિસોડ શૂટ કર્યાં, ત્યારે તેમણે મને કહ્યું કે આને 50 એપિસોડનો બનાવો. જ્યારે તે ઑનઍર થયો અને દર્શકોનો સારો રિસ્પૉન્સ મળતો થયો, ત્યારે ચૅનલ વાળાઓએ આ શોને 100 એપિસોડનો અને પછી વધુ 10 એપિસોડ બનાવવાનું કહ્યું. તેમણે મને શોને વધુમાં વધુ હાઈ પર લઈ જવાનું કહ્યું.

કપિલ શર્માએ કૉમેડી નાઇટ્સ વિથ કપિલ શોના 100 એપિસોડ પૂર્ણ થતાં ટ્વીટ કરી કહ્યું - કૉમેડી નાઇટ્સની ટીમને અભિનંદન. તમે આ વિશ્વમાં બેસ્ટ ટીમ છો. હું આભાર નહીં કરૂ, તે માત્ર શબ્દ છે. ઈશ્વર તમારૂ રક્ષણ કરે. ખુશ રહો. લવ યૂ ઑલ.

કપિલે વધુમાં જણાવ્યું - આજે રાત્રે આપણે કૉમેડી નાઇટ્સના 100 એપિસોડની ઉજવણી કરી રહ્યાં છીએ. મારી પાસે મારી લાગણીઓ વ્યક્ત કરવા માટે શબ્દો નથી. થૅંક્સ ઍ લૉટ ફૉર યોર લવ એન્ડ બ્લેસિંગ્સ).

કપિલ શર્મા તાજેતરમાં જ બૉલીવુડમાં ડેબ્યુ કરવાની તૈયારી કરી રહ્યા હતાં, પરંતુ આ શો સાથે તેમના ટાઇટ શિડ્યુઅલના પગલે તેઓ યશ રાજ બૅનર્સને ડેટ્સ ન આપી શક્યાં.

કપિલે યશ રાજ બૅનરની ફિલ્મ બૅંક ચોર છોડતા અગાઉ જણાવ્યુ હતું - લોકો 250 ફિલ્મો કરે છે, પરંતુ તેમને કોઈ ઓળખતુ નથી. હું ભાગ્યશાળી છું કે લોકો મને જાણે છે અને તે આ શોના કારણે. એક કલાકાર તરીકે, હું ગ્રો કરવાનું પસંદ કરીશ, તેથી હું આ શો અને મૂવી ઍસાઇનમેંટ વચ્ચે બૅલેંસ કરવાનો પ્રયત્ન કરી રહ્યો છું.

કૉમેડી નાઇટ્સ વિથ કપિલના શો એપિસોડ પૂર્ણ થવા પ્રસંગે અમે આપને બતાવવા જઈ રહ્યાં છે આ શોની કેટલીક યાદગાર ક્ષણો :