સુનીલ ગ્રોવરે પૈસાના કારણે છોડ્યુ કૉમેડી નાઇટ્સ!

કપિલ શર્માના હિટ ટીવી શો કૉમેડી નાઇટ્સ વિથ કપિલના ત્રણ મુખ્ય પાત્રો, ગુથ્થી, દાદી, બુઆ અને પલકમાંથી એક પાત્ર હવે આ શોમાં જોવા નહીં મળે. સમાચાર છે કે, સુનીલ ગ્રોવર કે જે, ગુથ્થીનું પાત્ર નિભાવી રહ્યો હતો, તેણે આ શો છોડી દીધો છે, તેની પાછળ એ કારણ જણાવવામાં આવી રહ્યું છે કે, સુનીલ ગ્રોવરે શોના સ્પોંસર્સ પાસે વધુ પૈસા માંગ્યા, પરંતુ સ્પોંસર્સે તેની માંગને સ્વિકારી નહીં અને સુનીલે આ શો છોડવાનો નિર્ણય કર્યો. સુનીવ ગ્રોવરે અત્યારસુધી આ અંગે કંઇ કહ્યું નથી, પરંતુ મીડિયા તેમનો સંપર્ક કરી આ હિટ શોને છોડવાનું કારણ જાણવા માગે છે.

સુનીલ ગ્રોવરનું પાત્ર ગુથ્થી લોકોને ઘણું પસંદ છે. તેમની કવિતાઓ ખાસ કરીને લોકોને હસવા માટે મજબૂર કરી દે છે. સુનીલ ગ્રોવર શો છોડશે તો શોમાં તેની ઉણપ વર્તાશે, પરંતુ કપીલ તેની ખોટ ના સાલે તેવા પ્રયત્નો કરશે. આમપણ કપીલ શર્મા પોતાના શોને વધુ હિટ કરાવવા માટે હરસંભવ પ્રયાસો કરી રહ્યો છે. કપિલ શર્મા હવે ક્રિકેટર સચિન તેંડુલકરને પોતાના શોમાં બોલાવવા માગે છે. કપિલ, સચિન તેંડુલકરનો મોટો પ્રશંસક છે અને તે ઇચ્છે છે કે સચિન ક્રિકેટમાંથી નિવૃત્તિ લીધા બાદ કૉમેડી નાઇટ્સના શોમાં પણ આવે.

કપીલ શર્માએ તાજેતરમાં જ મીડિયા સાથે વાત કરતા કહ્યું કે, સચિન તેંડુલકરની રમવાની સ્ટાઇલ સારી છે. તેમની શૈલી અદ્ભૂત છે. તાજેતરમાં જ તેમણે નિવૃત્તિ લેવાનો નિર્ણય કર્યો છે, હું તેમનું સન્માન કરું છું. હું ઇચ્છું છું કે નિવૃત્તિ બાદ સચિન તેંડુલકર એકવાર મારા શોમાં આવે, જો સચિન મારા શોમાં આવશે તો મારા માટે તેનાથી મોટી કોઇ ખુશી નહીં હોય.

English summary

Comedy Nights With Kapil show will not have Gutthi as Sunil Grover has left the show. Sunil Grover was playing the character of Gutthi in Comedy Nights With Kapil. Kapil Sharma now planning to invite Sachin Tendulkar on his show.