જોરદાર અફવા: સલમાન જ કરશે બિગબોસ-9નું હોસ્ટીંગ

Published: Thursday, August 20, 2015, 17:27 [IST]

ટેલિવીઝન: સલમાન ખાનના ફેન્સ માટે દિલધડક સમાચાર છે કે બિગબોસ-9નું હોસ્ટીંગ સલમાન ખાન જ કરશે. જો કે આ અંગે કોઈ આધાકારિક ઘોષણા નથી કરવામાં આવી. પણ માનવામાં આવી રહ્યું છે કે સલમાન ખાન જ આ સીઝનને હોસ્ટ કરશે. આ અંગે ચેનલ દ્વારા તેમને ઓફર કરી દેવામાં આવી છે જે સલમાન ખાનને ઘણી ગમી છે.

આ પહેલા સલમાન ખાને સીઝન-8ને હોસ્ટ કરવાની ના પાડી હતી કારણ કે તેમને શોનો કોન્સેપ્ટ નાપસંદ હતો. ત્યારબાદ સીઝન-7ની બે કરોડની ફીના સ્થાને તેમને સીઝન-8 માટે એક એપિસોડ દીઠ પાંચ-છ કરોડની ફી આપવામાં આવતા સલમાને સીઝન-8 ખુશી ખુશી કરી. આ સીઝન માટે પણ સલમાને ના પાડી દીધી છે, પણ જો આધિકારીક સૂત્રોની માનીએ તો બધું ફાઈનલ થઈ ગયું છે. સલમાન ખાનની ડેટ્સ મળી જાય એટલે બિગબોસ સીઝન-9નું એલાન થઈ જશે.

જો કે સલમાનના સ્થાને અન્ય ઓપ્શન પર પણ વિચાર કરવામાં આવ્યો હતો. જેમાં અક્ષયકુમારથી લઈને રણવીર સિંહ અને ફરાહ ખાન પણ શામિલ હતા. આ પહેલા સલમાને પણ મજાક કરતા કહ્યું હતું કે ફરાહના આવવાથી શોની TRP વધી ગઈ હતી, તો શો તેજ હોસ્ટ કરે!

Published On August 20, 2015