ડેલનાઝ વફાદાર હોત તો રાજીવ મારી પાસે ન આવત : સના

મુંબઈ, 4 જાન્યુઆરી : બિગ બૉસના ઘરે ભયંકર લડાઈ વચ્ચે ઇશ્કની નવી કહાણી ચાલી રહી છે. આ કથિત ઇશ્ક છે રાજીવ પૉલ અને સના ખાન વચ્ચે. રાજીવના આ કૃત્યોના કારણે તેમના પૂર્વ પત્ની ડેલનાઝ ઈરાનીએ પણ અનેક કડવી વાતો સાંભળવી પડે છે. હવે ગઈકાલનો જ એપિસોડ લ્યો. દિગ્દર્શક-કોરિયોગ્રાફર ફરાહ ખાન સામે ઑડિશન દરમિયાન સનાના મોઢામાંથી એક કડવી વાત નિકળી જ ગઈ. સનાએ ડેલનાઝને કહ્યું - તમે આટલા જ વફાદાર હોત, તો તમારો પતિ આજે મારી પાછળ ન પડ્યો હોત.

જોકે જે રીતે રાજીવ-ડેલનાઝના સંબંધો આ બિગ બૉસમાં વણસ્યા છે, તે જોતાં આ મોટી બાબત હતી. ડેલનાઝ ગઈકાલે રાજીવ સાથે બેઠાં. તેમને સજમાવવાની કોશિશ કરી રહ્યા હતાં. ત્યારે તેમની આંખોમાં આંસુ આવી ગયાં. આ આંસુઓ અંગેની પ્રથમ કડવી વાત ઉર્વશીએ કહી.

ઉર્વશીએ જણાવ્યું - તમે બંનેએ પોતાના સંબંધોના જે રીતે નેશનલ ચૅનલ ઉપર લીરેલીરા ઉડાવ્યાં, તે ખોટુ હતું. ઉપરથી ડેલનાઝ, તમારા ભાઈએ અહીં આવી જે કર્યું, તે પણ ખોટુ હતું. એટલું જ નહીં, બાકી બચ્યુ હતું તો તે કામ તમારી માએ કરી નાંખ્યું. જો તમારે બંનેના છુટાછેડા થઈ ગયા હતાં, તો બિગ બૉસમાં તમારે માત્ર કો-કન્ટેસ્ટંટની જેમ જ રહેવું જોઇતુ હતું. તમારે તેમના પ્રત્યે પ્રેમ કે નફરત વ્યક્ત કરવી ન જોઇતી હતી.

થોડીક વાર બાદ જ્યારે ફરાહ ખાને એન્ટ્રી મારી, તો ઘરનો માહોલ થોડોક બદલાઈ ગયો. ફહાહે પોતાની કથિત ફિલ્મ મૃગનયની માટે ઑડિશન કર્યું. આ દરમિયાન રાજીવ અને ઇમામ સિદ્દીકી એટલા બધા ખુલીને નાચ્યાં કે ઇમામ તો એ પણ ભુલી ગયાં કે રાજીવે તેમને માની ગાળ આપી હતી. બીજી બાજુ ડેલનાઝે જ્યારે સનાની વફાદારી અંગે સવાલ ઉઠાવ્યો, તો જવાબ મળ્યો - તમે એટલાં જ વફાદાર હોત, તો તમારો પતિ આજે મારી પાસે ન હોત. વાત તો આઈ-ગઈ થઈ ગઈ, પરંતુ ડેલનાઝના ચહેરે સાફ ઝળકતું હતું કે તેમને આ વાત ખૂબ ખોટી લાગી છે. જોકે તે વખતે ફરાહ હાજર હતાં, તેથી મોટો હોબાળો ન થયો. નહીંતર વધુ એક એપિસોડ ચટપટો થઈ જાત.

English summary

Even in front of his ex-wife Delnaaz, Rajiv Paul has again got close to Sana Khan in Bigg Boss season 6. Where as Imam Siddiqui forgot all the differences with Rajiv after Farah came.