ધ ફેમિલી મેન 2 માટે મનોજ બાજપેયી અને સામંથા અક્કિનેનીએ લીધા આટલા પૈસા? જાણીને ચોંકી જશો તમે!

હાલમાં જે સમાચાર આવી રહ્યા છે તે ફેન્સ માટે ઘણા ચોંકાવનારા છે કારણકે આ સીરિઝમાં મનોજ બાજપેયી અને સામંથા અક્કિનેનીની ફીસ માટે ખુલાસો થયો છે.

Published: Friday, June 11, 2021, 14:43 [IST]

મનોજ બાજપેયી અને સામંથા અક્કિનેનીની ધમાકેદાર વેબસીરિઝ ધ ફેમિલી મેન સિઝન 2 હાલમાં ઘણી વધુ ચર્ચામાં છે. સીરિઝની રાહ ફેન્સ ઘણા સમયથી કરી રહ્યા હતા અને તેમનુ માનવુ હતુ કે પહેલી સિઝનથી વધુ મોટી થવાની છે. જો કે એ વાત સાચી નીકળી અને સિઝનને ખૂબ જ પસંદ કરવામાં આવી રહી છે. પહેલી સિઝન બાદથી આ સીરિઝની લોકપ્રિયતા ઘણી વધી ગઈ છે. એક સ્પાઈ થ્રીલર સીરિઝ બનાવવામાં ખૂબ મહેનત થાય છે અને ધ ફેમિલી મેન એ શ્રેષ્ઠ પ્રોજેક્ટ્સમાંની એક સાબિત થઈ છે જેણે દર્શકોને સ્ક્રીન સાથે બાંધી રાખ્યા છે.

ચાર્જ કરી આટલી ફી

હાલમાં જે સમાચાર આવી રહ્યા છે તે ફેન્સ માટે ઘણા ચોંકાવનારા છે કારણકે આ સીરિઝમાં મનોજ બાજપેયી અને સામંથા અક્કિનેનીની ફીસ માટે ખુલાસો થયો છે. એક રિપોર્ટમાં આ અંગે દાવો કરવામાં આવ્યો છે. સીરિઝ માટે મનોજ બાજપેયીએ લગભગ 10 કરોડ રૂપિયા ચાર્જ કર્યા છે. વળી, સામંથાએ આના માટે 2થી 3 કરોડ રૂપિયા ચાર્જ કર્યા છે.

અધિકૃત ખુલાસો નહિ

જો કે આના માટે કોઈ અધિકૃત વ્યક્તિએ ખુલાસો કર્યો નથી. ફેન્સ એ વાતથી ખુશ છે કે આ જોડી તેમને આ સીરિઝમાં જોવા મળી છે કે જે બે ઈન્ડસ્ટ્રીના તાલમેલને દર્શાવે છે. આ સીરિઝની ખાસ વાત એ છે કે મનોજ બાજપેયીની મુખ્ય ભૂમિકા અને રાજ અને ડીકે દ્વારા નિર્દેશિત ધ ફેમિલી મેનમાં બધા એલિમેન્ટ્સ છે.

ચાલી રહ્યો છે વેબ સીરિઝનો દોર

વેબ સીરિઝનો દોર છે અને લગભગ બધા સ્ટાર્સ હાલમાં એક પછી એક વેબ સીરિઝનો પ્લાન કરીને બેઠા છે. આ પહેલા આશ્રમ, સેક્રેડ ગેમ્સ અને મિર્ઝાપુર જેવી સીરિઝે ફેન્સના દિલ પર રાજ કર્યુ છે અને હાલમાં પણ તેની આગલી સિઝનની લોકો રાહ જોઈ રહ્યા છે.

Published On June 11, 2021