31 March: ગુજરાતના મુખ્યપ્રધાન આજે લેશે મંત્રીઓના ક્લાસ

Updated: Wednesday, April 1, 2015, 23:56 [IST]

રોજે રોજ આપણા ગુજરાતમાં અઢળક ઘટનાઓ ઘટતી હોય છે, પરંતુ સમયના અભાવે આપણે દરેક સમાચારો પર નજર કરી શકતા નથી. ઘણા બધા એવા મહત્વના સ્થાનિક સમાચારો આપણે ચૂકી જતા હોઇએ છીએ. પરંતુ અમે આપને અહીં પળેપળના સ્થાનિક સમાચારોથી અપડેટ રાખીશું, અને એ પણ તસવીરો સાથે.

આપ આ પેજ પર ગુજરાતના દરેક મહત્વના સમાચારોને તસવીરો સાથે જોઇ અને વાંચી શકશો. ગુજરાતના ખૂણે ખૂણે બનતી ઘટનાઓ અને પળેપળના સમાચારોથી તમને રાખીશું અમે અપડેટ.

ગુજરાતના દરેક મહત્વના સમાચારોથી અપડેટ રહેવા માટે આ પેજને રિફ્રેસ કરતા રહો...

ગુજરાત એરો કોન્કલેવ 2015

1 એપ્રિલથી 4 એપ્રિલ સુધી અમદાવાદની સાબરમતી રિવરફ્રંટ પર એર શોનું આયોજન કરવામાં આવ્યું છે. યુકે સ્થિત બ્રિટિશ એરોબેટિક્સ ચેમ્પિયન્સ સમગ્ર વિશ્વમાં ફ્લાઇંગ એર શોનું આયોજન કરે છે. 1થી 4 એપ્રિલ દરમિયાન સવારે 10.30 વાગ્યે અને બપોરે 3.30 વાગ્યે એર શોનો આનંદ માણી શકાશે.

સ્વાઇન ફ્લૂ બાદ ટાઇફોઇડનો કહેર

ઉનાળાની શરૂઆત થતા જ સ્વાઇન ફ્લુનો કહેર ઓછો થયો છે જ્યારે ટાઇફોઇડ જેવા રોગોએ પગપેસારો કર્યો છે. છેલ્લા એક મહિનામાં ટાઇફોઇડના 165 કેસ નોંધાયા છે. ઝાડા ઉલટીના 375, કમળાના 190 અને ડેન્ગ્યુના 16 કેસ નોંધાયા છે.

BRTSને હટાવવા કોંગ્રેસ જનઆંદોલન છેડશે

શહેરમાં જ્યારથી બીઆરટીએસની સેવા શરૂ થઇ છે ત્યારથી ટ્રાફીકની સમસ્યામાં વધારો થયો છે. ખાસ કરીને કોટ વિસ્તારમાં પણ બીઆરટીએસ સેવાને લાગુ કરવાથી રસ્તાઓ સાંકળા બન્યા છે અને ટ્રાફિકમાં વધારો થયો છે. બીઆરટીએસ સેવા હોવી જોઇએ કે નહીં તેવો જન આંદોલન શરૂ કરવાનું કોંગ્રેસે વિચાર્યું છે.

એએમસીએ બેઘરોના તંબુ પણ ઉખાડી ફેંક્યા

જુહાપુરાના ફતેવાડીમાં ગેરકાયદેસ બાંધકામ તોડવાની કામગીરી ચાલુ છે. પોતાના ઘરોને તૂટતા બચાવવા માટે સ્થાનિકોએ અત્રે પોસ્ટર લઇને દેખાવ શરૂ કર્યા હતા. પરંતુ તેમને વિરોધ પ્રદર્શન પણ કરવા દેવામાં આવ્યું નહી અને તેમના તંબુઓને પણ ઊખાડી ફેંકાયા.

મુખ્યપ્રધાનની મંત્રીઓ સાથે બેઠક

આજે મુખ્ય પ્રધાન આનંદીબેન પટેલ પોતાના મંત્રીઓ સાથે સાંજે સીએમઓ ખાતે એક બેઠક કરવા જઇ રહ્યા છે. તેઓ આ બેઠકમાં ગુજરાતના વિકાસ પર ચર્ચા કરશે.

વિધાનસભામાં વિપક્ષનું વોકઆઉટ

ગુજરાત વિધાનસભામાં વિપક્ષ દ્વારા વોકઆઉટ કરાયા બાદ ગુજકોક ખરડાને સર્વસમતિથી પસાર કરી લેવામાં આવ્યું છે.

પ્રેમી પંખીડાએ કર્યો આપઘાત.

મહુધા પાસે પ્રેમી પંખીડાએ કર્યો આપઘાત. પ્રેમમા નિષ્ફળતા હાત લાગતા ઝેરી દવા ખાઇને જીવન ટૂંકાવ્યું. ગોપાલ જાદવ અને મીના પરમાર નામના પ્રેમી જોડાએ જીવન ટૂંકાવ્યું. પોલીસે તપાસ હાથ ધરી.