ગોંડલમાં ડોમીનોઝની ફ્રેન્ચાઇઝી આપવાના નામે 33 લાખની છેતરપિંડી, જાણો શું છે પુરી ઘટના?
ભોગ બનનાર વેપારીએ 2021 અને 2022માં ડોમીનોઝ ફ્રેન્ચાઇઝી માટે અરજી કરી હતી. અરજી બાદ સપ્ટેમ્બરમાં એક વ્યક્તિનો ફોન આવ્યો હતો અને તેને ડોમીનોઝ ઇન્ડિયાના જનસંપર્ક અધિકારી તરીકે ઓળખ આપી હતી.
ગોંડલ : રાજકોટના ગોંડલમાં એક વેપારી સાથે ડોમોનોઝની ફ્રેન્ચાઇઝી આપવાના બહાને કેટલાક લોકોએ છેતરપિંડી કરી છે. આ ઘટનામાં પોલીસે 7 અજ્ઞાત લોકો સામે ફરિયાદ દાખલ કરી તપાસ હાથ ધરી છે.
સામે આવેલી વિગતો અનુસાર, ભોગ બનનાર વેપારીએ 2021 અને 2022માં ડોમીનોઝ ફ્રેન્ચાઇઝી માટે અરજી કરી હતી. અરજી બાદ સપ્ટેમ્બરમાં એક વ્યક્તિનો ફોન આવ્યો હતો અને તેને ડોમીનોઝ ઇન્ડિયાના જનસંપર્ક અધિકારી તરીકે ઓળખ આપી હતી.
ફોન કરનાર વ્યક્તિએ વેપારીને કહ્યું કે તેમની અરજી સ્વીકારવામાં આવી છે અને કંપની તેને અંતિમ સ્વરૂપ આપતા પહેલા તેના ઓનલાઈન ઈન્ટરવ્યુ પછી જગ્યાનો સર્વે કરશે. કોલ કરનારે તેણની પ્રાથમિક માહિતી શિક્ષણ, અંગ્રેજીમાં પ્રવાહિતા, વર્તમાન વ્યવસાય અને વાર્ષિક ટર્નઓવર સાથે ઘણી અંગત વિગતો માંગી હતી.
વેપારીને વિશ્વાસમાં લીધા બાદ કોલ કરનાર વ્યક્તિએ અલગ અલગ બહાને 33 લાખથી બધું રૂપિયા અલગ અલગ માધ્યમથી માંગ્યા હતા. ભોગ બનનારે રૂપિયા ચૂકવી દીધા બાદ કોઈ ન આવતા સત્ય સામે આવ્યું હતું.
ભોગ બનનારે સંપર્ક કરતા તમામ કોલ અને ઇમેઇલ ફેક હોવાનો ખુલાસો થયો હતો. જે બાદ ભોગ બનનારે પોલીસને જાણ કરી છેતરપિંડી થઈ હોવાની ફરિયાદ નોંધાવી છે.