ગુજરાતમાં પોલીસકર્મીઓના 4 ટિક્ટોક વીડિયો વાયરલ, જાણો આગળ

ગુજરાત પોલીસકર્મીઓના ડાન્સ કરતા અને ગીતો ગાતા ટિક્ટોક વીડિયો વાયરલ થયા પછી રાજ્યના ગૃહવિભાગે હવે ટિક્ટોક એપને નિયંત્રિત કરવાની તૈયારી કરી લીધી છે. રાજ્યના ડીજીપી અનુસાર ગૃહવિભાગ પોલીસ કર્મીઓ માટે દિશાનિર્દેશ જાહેર કરશે અને રાજ્યના બધા જ કર્મચારીઓએ તેનું પાલન કરવું પડશે.

રાજ્યના ત્રણ જગ્યાઓ પર મહિલા પોલીસકર્મીઓનો વીડિયો વાયરલ

ડીજીપી શિવાનંદ ઝાએ આદેશ આપ્યો છે કે પોલીસ કર્મચારીઓએ સોશિયલ મીડિયા પર પોસ્ટ કરતા પહેલા આ માર્ગદર્શિકાનું પાલન કરવું જોઈએ. પોલીસ કર્મચારી ટિક્ટોક પર વીડિયો બનાવીને વાયરલ કરી શકતા નથી. રાજ્યના ત્રણ સ્થળોએ મહિલા પોલીસ કર્મચારીઓના વીડિયો વાયરલ થતાં રાજ્ય પોલીસ વડાએ કડક માર્ગદર્શિકા જારી કરવાનો નિર્ણય કર્યો છે.

બધા જ ચારે કર્મચારીઓને નિલંબિત કરી દીધા

મહેસાણા પોલીસ સ્ટેશનના કોન્સ્ટેબલ અર્પિતા ચૌધરીનો ડાન્સ વીડિયો વાયરલ થયા બાદ અમદાવાદ મહિલા પોલીસ સ્ટેશનની મહિલા પોલીસ કર્મચારી સહિત ત્રણ પોલીસકર્મીઓનો ડાન્સ વીડિયો ડાન્સ બહાર આવ્યો હતો. પોલીસ અધિક્ષકે ચારેય કર્મચારીઓને સસ્પેન્ડ કર્યા છે. આ પછી, ગૃહ વિભાગ હવે તેના કર્મચારીઓ માટે માર્ગદર્શિકા જારી કરશે.

કોઈ પણ કર્મચારી વિભાગને નુકશાન પહોંચાડે તેવો વીડિયો નહીં બનાવી શકે

શિવાનંદ ઝાએ જણાવ્યું હતું કે રાજ્યમાં પોલીસ વિભાગના કર્મચારીઓએ સંવેદનશીલ ફરજોનું પાલન કરવું પડશે. કર્મચારીઓ માટે સોશિયલ મીડિયાનો ઉપયોગ કરવો તે ઇચ્છનીય છે પરંતુ આ રીતે કોઈ પણ કર્મચારી વિભાગને નુકસાન પહોંચાડતા ડાન્સ વીડિયો બનાવી શકશે નહીં. અમદાવાદના એલિસબ્રીજ પોલીસ સ્ટેશનમાં ડ્રાઇવર તરીકે નોકરી કરતા એક પોલીસ કોન્સ્ટેબલે પોલીસની ગાડી સાથે ટિક્ટોક વીડિયો વાયરલ કર્યો હતો. તે પછી રાજ્યના પોલીસ વડાએ માર્ગદર્શિકા જારી કરવાનો નિર્ણય લીધો છે.

મંજીતા વણઝારાનો ડાન્સ વીડિયો સામે આવ્યો

આશ્ચર્યની વાત એ છે કે મહેસાણાના લાગણજ પોલીસ સ્ટેશનના મહિલા કોન્સ્ટેબલ અર્પિતા ચૌધરીનો ડાન્સના વીડિયો વાયરલ થયા પછી તેની અધિક્ષક મંજીતા વણઝારા ઘ્વારા તેને સસ્પેન્ડ કરી દીધી હતી. જો કે, તે પછી, મંજીતા વણઝારાનો ડાન્સ વીડિયો પણ સામે આવ્યો હતો.

અમારે આટલા માટે પગલાં ભરવા પડશે

પોલીસ વડા શિવાનંદ ઝાએ કહ્યું છે કે, જો રાજ્યના પોલીસ કર્મચારીઓ તેમની ફરજ ભૂલી રહ્યા છે અને સોશ્યિલ મીડિયા પર વાયરલ થઇ રહ્યા છે. તેવી સ્થિતિમાં રાજ્યમાં કાયદો અને વ્યવસ્થા કોણ જાળવશે, તો આ મોટો પ્રશ્ન છે, તેથી આપણે કડક પગલાં લેવા પડશે.

English summary

4 Tiktok videos of Gujarat policemen went viral