ડૉક્ટરે કરી 16 હજારથી વધુ દર્દીની હાર્ટ સર્જરી, હાર્ટ એટેકને કારણે મોત
એવું કહેવાય છે કે, જીવનનો કોઇ ભરોસો હોતો નથી, મોત ક્યારેય પણ આવી શકે છે, અને ગત ઘણા સમયમાં આવી ઘણી ઘટનાઓ સામે આવી છે. જેમાં ઘણા ક્રિકેટ રમતા સમયે તો ઘણા લોકો લગ્નમાં ડાંસ કરતા તો ઘણા જીમમાં કસરત કરતા મૃત્યુ પામે છે. આ વચ્ચે હ્દય રોગના નિષ્ણાંત ડૉક્ટરનું હાર્ટ એટેકને કારણે મોત થયું છે.
આ દુઃખદ ઘટનામાં જામનગર એસટી સ્ટેન્ડ સામે આવેલી શારદા હોસ્પિટલમાં ફરજ બજાવતા ડૉ. ગૌરવ ગાંધી ગત રાત્રિ સુધી તેમના નિત્યક્રમ મુજબ દર્દીઓની સારવારમાં વ્યસ્ત હતા. જે બાદ તે રાત્રે પેલેસ રોડ પર આવેલા સામરાજ્ય એપાર્ટમેન્ટના ત્રીજા માળે પોતાના ઘરે પહોંચ્યો હતો અને જમ્યા બાદ રોજની જેમ સૂઈ ગયો હતો.
સવારે 6 કલાકે તેઓ બેભાન અવસ્થામાં મળી આવ્યા હતા, જેના કારણે તેમને 108 દ્વારા જીજી હોસ્પિટલ લઈ જવામાં આવ્યા હતા. જ્યાં હૃદયરોગના નિષ્ણાંત તબીબોએ બે કલાક સુધી તેમની સારવાર કરી હતી, પરંતુ ઘરે બેભાન અવસ્થામાં મળી આવેલા ડૉ. ગૌરવ ગાંધીને બચાવી શકાયા ન હતા અને અંતે તેમને મૃત જાહેર કરાયા હતા.
અત્રે ઉલ્લેખનીય છે કે, વર્ષ 1982માં જન્મેલા 41 વર્ષીય ડૉ. ગૌરવ ગાંધી તેમના કામમાં ખૂબ જ નિષ્ણાત હતા અને તેમની કારકિર્દી દરમિયાન તેમણે 16,000થી વધુ એન્જિયોગ્રાફી અને એન્જિયોપ્લાસ્ટી સર્જરી કરી છે. તેઓ પોતાની પાછળ પિતા દિનેશચંદ્ર ગાંધી, માતા કુસુમબહેન, પત્ની ડૉ. દેવાંશી ગાંધી (દંત ચિકિત્સક) અને પુત્રી ધનવી અને પુત્ર પ્રખરને વિલાપ કરતા છોડી ગયા.
ડૉ. ગૌરવ ગાંધીનું મૃત્યુ કાર્ડિયાક અરેસ્ટને કારણે થયું હતું, છતાં સ્પષ્ટ કારણ જાણવા માટે જીજી હોસ્પિટલમાં પોસ્ટમોર્ટમ કરવામાં આવ્યું હતું, જેથી કાર્ડિયાક અરેસ્ટ અંગે વધુ સ્પષ્ટ માહિતી મેળવી શકાય.
સામાન્ય દેખાતા ડૉ. ગૌરવ ગાંધીએ ડૉ. એસએસ ચેટર્જી, નોડલ ઑફિસર અને એડિશનલ ડીન, સરકારી કોવિડ હૉસ્પિટલ, જામનગર સાથે સાંજે જ એક દર્દી વિશે વાતચીત કરી હતી, તો પણ ડૉ. ગૌરવ ગાંધી હંમેશા તેઓ જ સામાન્ય હતા. બીજી તરફ બીજા દિવસે સવારે જ્યારે તેમનું કાર્ડિયાક અરેસ્ટ થયું હોવાની વિગતો સામે આવી, ત્યારે જામનગર સહિત સમગ્ર સૌરાષ્ટ્રના તબીબોમાં શોકનું વાતાવરણ જોવા મળ્યું હતું.
એક ડૉક્ટરના જણાવ્યા અનુસાર, કોરોના બાદ ગયા વર્ષથી હાર્ટ એટેકના કેસમાં વધારો થયો છે. 35 થી 45 વર્ષના લોકોને હાર્ટ એટેક આવે છે. નેશનલ IMAએ પણ આ મામલે ચિંતા વ્યક્ત કરી છે. કારણ કે, તાજેતરમાં જ 14 વર્ષના બાળકનું ક્રિકેટ રમતા રમતા મોત થયું હતું.
આવી રીતે 3 માર્ચના રોજ તેમની કોલોનીમાં મોર્નિંગ વોક કરી રહેલા 57 વર્ષીય સ્કિન સ્પેશિયાલિસ્ટ ડૉ. સંજીવ ચગ પણ પડી જતાં તેમને તાત્કાલિક 108 એમ્બ્યુલન્સ દ્વારા જીજી હોસ્પિટલમાં લઈ જવામાં આવ્યા હતા, જ્યાં તેમને પમ્પિંગ સહિતની સારવાર આપવામાં આવી હતી. આ પછી, તેમનો જીવ બચી શક્યો નહીં અને ડૉક્ટરે તેમને મૃત જાહેર કર્યો હતો.
Click it and Unblock the Notifications
Sign in with Google
