• search
For Quick Alerts
ALLOW NOTIFICATIONS  
For Daily Alerts

BRTS રૂટ પર સવારે 4થી 5.45 સુધી સ્કેટિંગ કરી શકાશે

|
skating-ahmedabad
અમદાવાદ, 9 ઓગસ્ટ : અમદાવાદ શહેરમાં બાળકો અને યુવાઓમાં રમતગમતની પ્રવૃત્તિ વિકસે, ખેલદિલીની ભાવના વધુ જાગ્રત થાય તે માટે સ્પોર્ટસ કોમ્પ્લેક્સ, સ્વિમિંગ પૂલ વગેરે પ્રોજેક્ટો હાથ ધરવામાં આવ્યા છે. જો કે સ્કેટિંગ માટે અમદાવાદમાં ખાસ સુવિધા ઉપલબ્દ ન હતી. હવે ઇદના તહેવારની ભેટ તરીકે અમદાવાદીઓને સ્કેટિંગ કરવા માટે રૂટ મળ્યો છે.

હવે અમદાવાદના સ્કેટિંગ પ્રેમીઓ રાતના અગિયારથી સવારના છ વાગ્યા સુધી સૂના રહેતા બીઆરટીએસના 70 કિલોમીટર લાંબા રૂટ પર બ્રહ્મ મુર્હૂતમાં એટલે કે સવારના ચાર વાગ્યાથી પોણા બે કલાક માટે સ્કેટિંગ કરી શકશે. આ સુવિધા ટૂંક સમયમાં કેટલીક શરતોને આધીન રહીને ઉપલબ્ધ કરાવવામાં આવશે.

આ અંગે અમદાવાદ મ્યુનિસિપલ સ્ટેન્ડિંગ કમિટીના ચેરમેન ભૂપેન્દ્ર પટેલની અધ્યક્ષતામાં ગુરુવાર 8 ઓગસ્ટ, 2013ની સાંજે મળેલી સ્ટેન્ડિંગ કમિટીની બેઠકમાં બીઆરટીએસના રસ્તા પર સવારના 4થી 5.45 કલાક દરમિયાન બાળકો, યુવાનોને રોલર સ્કેટિંગની પ્રેક્ટિસ કરવા માટેની અનુમતિ પ્રદાન કરતી દરખાસ્તને સર્વાનુમતે મંજૂર કરવામાં આવી હતી. સ્ટેન્ડિંગ કમિટીના સભ્ય ગૌરાંગ ચાવડાની આ ધ્યાનાકર્ષક દરખાસ્તને અન્ય સભ્ય જયેશ પટેલે ટેકો આપ્યો હતો.

હાલમાં રોલર સ્કેટિંગ કરવા બાળકો, યુવાનોને છેક ગાંધીનગર સુધી લાંબા થવું પડે છે તેને બદલે આગામી દિવસોમાં બાળકો તેમના ઘરના આંગણેથી પસાર થતા બીઆરટીએસના લીસા રસ્તા પર વહેલી સવારના ખુશનુમા માહોલમાં પ્રેક્ટિસનો આનંદ માણી શકશે. સ્ટેન્ડિંગ કમિટીએ મ્યુનિસિપલ કમિશનર ગુરુપ્રસાદ મહાપાત્રને આ દરખાસ્તના સંદર્ભમાં યોગ્ય શરતો નક્કી કરવાની સૂચના આપી છે. કમિશનર દ્વારા યોગ્ય શરતો નક્કી કર્યા બાદ તેનો ટૂંક સમયમાં અમલ કરાશે.

lok-sabha-home

English summary
Ahmedabad got Eid Gift : Skating allowed on BRTS routes

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more