છોટાઉદેપુર : મહેંદી લગાવેલા હાથે યુવતીએ પ્રેમ જોડે કર્યો આપઘાત

છોટાઉદેપુરમાં યુવતીએ બીજા યુવક સાથે લગ્ન ન કરવાના કારણે મહેંદી લગાવેલા હાથે પ્રેમી જોડે કર્યો આપઘાત છે. જાણો વધુ અહીં

By Oneindia Staff Writer

Updated: Friday, January 26, 2018, 17:01 [IST]

પ્રેમીયુગલો સાથે જીવવાના સમણાં જોતા હોય છે પરંતુ કોઈક કારણસર તેઓ જ્યારે સાથે નહીં રહી શકે અથવા તો એવા સંજોગો નથી હોતા ત્યારે મોતને ભેટતા પણ અચકાતા નથી. જો કે પ્રેમી યુવકોએ પણ આપઘાતને છેલ્લો રસ્તો માનવો ના જોઇએ. તેમ છતાં આવી જ ઘટના છોટા ઉદેપુરમાં બની હતી. છોટાઉદેપુરના નસવાડી નજીકના તોરણિયા ગામમાં. છોટાઉદેપુરના જાણીતા શહેર બોડેલીના તોરણિયા ગામમાં એક યુવતીએ તેના પ્રેમી સાથે ઝાડ પર લટકીને ગળાફાંસો ખાઈ લીધો હતો. જ્યારે બંનેની લાશ ઉતારવામાં આવી તો જોવા મળ્યું હતું કે યુવતીના હાથ મહેંદી રગ્યા હતાં અને તેણે હાથમા સુહાગણની જેમ જ બંગડીઓ પણ પહેરી હતી.

સ્થાનિકોના જણાવ્યા મુજબ છોટાઉદેપુરમાં એક યુવક અને યુવક એકબીજાને પ્રેમ કરતાં હતાં. યુવતીના પિતાએ એના લગ્ન બીજે ગોઠવી દીધા હતા. અને આ યુવતીના લગ્ન હતા. તેની જાન કાલે આવવાની હતી. જોકે મૂંઝાઈ ગયેલી યુવતીએ ઘરેથી નાસી જઇને તેના પ્રેમી સાથે આપઘાત કરી લીધો હતો. ઘરમા લગ્નનો માહોલ માતમમા ફેરવાઈ ગયો હતો. ખેતરના એક ઝાડ પર કોઈ સ્થાનિકે આ લોકોને ગળેફાંસો ખાધેલી હાલતમા જોતા પોલીસને જાણ કરી હતી. અને પોલીસના આવ્યા બાદ બંને લાશ ઝાડ પરથી ઉતારવામાં આવી હતી. આ ઘટનામાં પોલીસે વધુ તપાસ હાથ ધરીને આગળ કામગીરી વધારી છે.