યુવતી અને કિશોરી ઉપર ચાકૂ વડે હુમલો, યુવતીનું મોત, હુમલાખોરનો આત્મહત્યાનો પ્રયાસ
ભરૂચના ત્રાલસા અને કોઠી ગામે એક પરપ્રાંતીય યુવકે એક યુવતી અને એક 13 વર્ષની બાળકી ઉપર ચાકુથી હુમલો કર્યો હતો...
ભરૂચના ત્રાલસા અને કોઠી ગામે એક પરપ્રાંતીય યુવકે એક યુવતી અને એક 13 વર્ષની બાળકી ઉપર ચાકુથી હુમલો કર્યો હતો. હુમલો કર્યા બાદ યુવકે પોતાના ગળા પર પણ બ્લેડ વડે ઘા કરી આત્મહત્યાનો પ્રયાસ કર્યો હતો.
ગુજરાતની બહારથી રોજગાર માટે આવેલા એક યુવકે ભરુચના ત્રાલસા ગામમાં એક યુવતી ઉપર ચાકૂ વડે હુમલો કર્યો હતો. અહીં હુમલો કર્યા બાદ તે બીજા ગામમાં ભાગી ગયો હતો. જ્યાં તેણે અન્ય એક 13 વર્ષની કિશોરી પર પણ હુમલો કર્યો હતો. આ ઘટના બાદ લોકોના ટોળા ઉમટી પડ્યા હતા અને મારવાનું ચાલુ કરી દીધુ હતુ. લોકોન મારથી બચવા માટે તેણે પોતાના ગળા પર જ ચાકૂ મારી દીધુ હતુ.
યુવકને સિવિલ હોસ્પિટલ ખાતે પોલીસ જાપ્તા હેઠળ સારવાર માટે દાખલ કરવામાં આવ્યો છે જ્યારે યુવતીનું ઘટના સ્થળે મોત નીપજ્યુ હતુ અને કિશોરીની હાલત ગંભીર હોવાથી તેને સારવાર અર્થે ખાનગી હોસ્પિટલમાં ખસેડવામાં હતી. ભરૂચ તાલુકા પોલીસે ખૂનનો ગુનો નોંધી તપાસ હાથ ધરી છે.