જય પટેલ અપહરણ કેસમાં, સગી માસી "મુખ્ય આરોપી"

અમદાવાદ, એનઆરઆઇ પિતાના પુત્ર તેવા જય પટેલના અપહરણ કેસમાં રોજ રોજ નવા વળાંકો બહાર આવી રહ્યા છે. ગત બુધવારે અપહરણ બાદ જય પટેલને સહી સલામત છોડાવ્યા બાદ આ કેસમાં જ્યાં શંકાની સોય માંના પ્રેમ પ્રકરણ પર ગઇ હતી. ત્યાં જ હવે આ કેસમાં પોલિસે 4 લોકોની ધરપકડ કરી છે. અને તેથી પણ ચોંકવનારી વાત આ કેસમાં જય પટેલની સગી માસી કોમલનું નામ મુખ્ય આરોપી તરીકે બહાર આવ્યું છે.

આ કેસમાં કોમલ સમેત રાજુ, બબલુ અને ભરત એમ ચાર આરોપીઓની અમદાવાદ પોલિસ દ્વારા ધરપકડ કરવામાં આવી છે. અને સગી માસી કોમલે પૈસાની લાલચના કારણે આ અપહરણ કરાવ્યું હોય તેવું બહાર આવ્યું છે. તેના દોરી સંચાર હેઠળ જ ત્રણેય લોકો મળીને બાળકનું અપહરણ કર્યું હતું.

નોંધનીય છે કે જે રીતે બાળકનું અપહરણ કરવામાં આવ્યું અને તે બાદ જે રીતે બાળકને કોઇ પણ પ્રકારની હેરાનગતિ નહતી કરવામાં આવી પોલિસને શંકા હતી કે આ કામમાં ઘરનો જ કોઇ વ્યક્તિ સામેલ હશે. ત્યારે વધુ તપાસ કરતા સગી માસી કોમલ દ્વારા 12 વર્ષીય જય પટેલનું અપહરણ કરાયું હોવાનું બહાર આવતા સંબંધોની શર્મશાર થયા છે.

English summary

New twist in Jay patel kidnapping case