મોદી સામેની એડમાં થઇ ગઇ કોંગ્રેસની ફજેતી!
અમદાવાદ, 25 નવેમ્બર: કુપોષણને લઇને ગુજરાતની ભાજપ સરકારની સામે આપવામાં આવેલી જાહેરાત કોંગ્રેસ માટે મુશ્કેલી બની ગઇ છે. કોંગ્રેસે ચૂંટણી પ્રચાર માટે આ જાહેરાત આપી હતી. જેમાં એક કુપોષિત બાળકને તેની માતાના ખોળામાં બતાવવામાં આવ્યું છે.
ભાજપનું કહેવું છે કે જાહેરાતમાં આપવામાં આવેલી તસવીર એક ઇસાઇ સંગઠનની વેબસાઇટમાંથી ઉપાડવામાં આવી છે. સોશિયલ નેટવર્કિંગ વેબસાઇટ પર આ તસવીર ખુબ જ ચર્ચાનો વિષય બન્યો છે. ભાજપનું કહેવું છે કે આ તસવીર શ્રીલંકામાં આવેલા પૂર પીડિત મહિલા અને તેના બાળકની છે.
કોંગ્રેસી નેતાઓનું કહેવું છે કે મુંદ્દો ફોટો નથી કુપોષણ છે. જાહેરાતમાં આપવામાં આવેલ આંકડાઓ બિલકુલ સાચા છે. લોકોએ તેના પર ધ્યાન દોરવું જોઇએ. ઉલ્લેખનીય છે કે હાલમાં ગુજરાતના મુખ્યમંત્રી નરેન્દ્ર મોદીએ કુપોષણને લઇને એક વિવાદાસ્પદ નિવેદન આપ્યું હતું.
મોદીએ જણાવ્યું હતું કે 'ગુજરાતની છોકરીઓ સુંદર દેખાવાની લ્હાયમાં સ્વાસ્થ્યનું ધ્યાન નથી રાખતી. ગુજરાતમાં મોટાભાગના લોકો શાકાહારી છે. અત્રે મધ્યમ વર્ગનું રાજ છે. મધ્યમ વર્ગની છોકરીઓ એટલા માટે દૂધ નથી પીતી કારણ કે તેમનામાં મેદસ્વીપણું ના આવી જાય.'
Click it and Unblock the Notifications
Sign in with Google
