Crime News : કચ્છના લુના બેટથી BSFને મળ્યા ચરસના 10 પેકેટ
Crime News : કચ્છ જિલ્લામાં આવેલા જખૌ વિસ્તારના લુના બેટથી બોર્ડર સિક્યુરિટી ફોર્સને એક પેટ્રોલિંગ દરમિયાન ચરસના 10 પેકેટ મળી આવ્યા છે. આ ઘટના અંગે બીએસએફના એક અધિકારીએ જાણકારી આપી હતી.
લુના બેટ કચ્છના જખૌ બંદરથી પાંચ કિમી આવેલો છે. બીએસએફના જણાવ્યા અનુસાર જપ્ત કરવામાં આવેલા ચરસના પેકેટ પર 'અફઘાન પ્રોડક્ટ' છપાયેલું છે.
અધિકારીએ જણાવ્યું હતું કે, આ પેકેટ પાકિસ્તાન તરફથી નીકળીને ભારતીય કિનારે પહોંચી ગયા હશે. ઉલ્લેખનીય છે કે, મે 2020 થી, BSF તેમજ કસ્ટમ્સ અને ભારતીય કોસ્ટ ગાર્ડ સહિત અન્ય કાયદા અમલીકરણ એજન્સીઓએ જખૌ કાંઠા અને તેની નજીકના ખાડી વિસ્તારમાંથી ચરસના 1,548 છોડેલા પેકેટો જપ્ત કર્યા છે.
ગયા વર્ષે, પોરબંદર અને જૂનાગઢ જિલ્લામાં પોલીસ દ્વારા શંકાસ્પદ ચરસના 59 પેકેટ મળી આવ્યા હતા. અધિકારીઓના જણાવ્યા અનુસાર, જૂનાગઢના માંગરોળ અને પોરબંદરના માધવપુરમાંથી શંકાસ્પદ ચરસ ધરાવતા કોફીના પેકેટ મળી આવ્યા હતા.
જૂનાગઢ સ્પેશિયલ ઓપરેશન ગૃપ (SOG) ને માંગરોળમાં કેટલાક પેકેટ તરી રહ્યા હોવાની બાતમી મળી હતી. જે બાદ આ વિસ્તારમાં શોધ અભિયાન ચલાવવામાં આવ્યું હતું. સેમ્પલ ફોરેન્સિક તપાસ માટે મોકલવામાં આવ્યા હતા. દરેક પેકેટનું વજન એક કિલો છે.
Click it and Unblock the Notifications
Sign in with Google
