DG કોન્ફર્ન્સ: મોદી ત્રણ દિવસ માટે બનશે ગુજરાતના મહેમાન

શુક્રવારે, વડાપ્રધાન નરેન્દ્ર મોદી ભુજમાં આયોજીત કરવામાં આવેલી ડીજીપી કોન્ફરન્સમાં હાજરી આપવા ભુજ એરપોર્ટ પર આવી પહોંચ્યા હતા. નોંધનીય છે કે આ કોન્ફરન્સમાં ભાગ લેવા આવનાર વડાપ્રધાન નરેન્દ્ર મોદી 3 દિવસ માટે ગુજરાતના મહેમાન બનશે. જો કે મુખ્યમંત્રી આનંદીબેન આ કોન્ફરન્સમાં હાજરી નહીં આપે પણ પ્રોટોકોલ મુજબ તેમણે ભુજ એરપોર્ટ ખાતે મોદીને આવકાર્યા હતા. નોંધનીય છે કે વડાપ્રધાન નરેન્દ્ર મોદી સાથે ગૃહ પ્રધાન રાજનાથ સિંહ પણ આ પ્રસંગે હાજર રહેશે.

નોંધનીય છે કે ઓલ ઇન્ડિયા ડીજીપી કોન્ફરન્સમાં ભારતભરના ડીજીપી કક્ષાના અધિકારીઓ તેમના પરિવાર સાથે કચ્છના સફેદ રણમાં આવેલ ધોરડો ખાતે આવી પહોંચ્યા છે. આ કોન્ફરન્સમાં દેશભરના 100થી વધુ ડીજીપી અને ટોચના ગુપ્તચર વિભાગના અમલદારો હાજર રહેશે. આ કોન્ફરન્સનું આયોજન ગૃહ મંત્રાલય દ્વારા કરવામાં આવ્યું છે જો કે રાજ્ય સરકાર પણ ખડે પગે તમામ કામગીરીને પૂરી પાડવામાં વ્યસ્ત છે.

શનિવારે વડાપ્રધાન નરેન્દ્ર મોદીના હસ્તે આ કોન્ફરન્સનું ઉદ્ધાટન કરવામાં આવશે. નોંધનીય છે કે સુરક્ષાના કારણોને જોતા અહીં પૂરતો બંદોવસ્ત કરવામાં આવ્યો છે. વધુમાં આ કોન્ફરન્સમાં સુરક્ષા અને વ્યવસ્થાના અનેક મુદ્દા, આતંકવાદ જેવા મુદ્દાઓ પર ચર્ચા કરવામાં આવશે. સાથે જ પોલિસકર્મીઓ મુદ્દાઓ પર પણ ચર્ચા કરવામાં આવશે.

આ બેઠકમાં જ્યાં એક બાજુ વડાપ્રધાન કોન્ફરન્સમાં હાજરી આપશે ત્યાં જ પોલિસ અધિકારીઓ માટે યોજવામાં આવેલા યોગ સત્રમાં પણ હાજર રહેશે. જે બાદ 20મી બપોરે વડાપ્રધાન નરેન્દ્ર મોદી પરત દિલ્હી જશે. નોંધનીય છે કે મોદીની આ મુલાકાત દરમિયાન તે ગાંધીનગર કે અમદાવાદ નહીં આવે ભુજમાં તેમના ઉતરાણ બાદ તે ભુજથી 20મી તારીખે દિલ્હી પરત ફરશે.

English summary

DG Meet At Kutch: PM Modi Will Not Come Amedabad And Gandhinagar