Get Updates
Get notified of breaking news, exclusive insights, and must-see stories!

અમદાવાદમાં નકલી પાસપોર્ટ સાથે કેન્યાની મહિલા ઝડપાઈ

અમદાવાદના નરોડા વિસ્તારમાં નકલી પાસપોર્ટ અને ખોટા દસ્તાવેજોના આધારે રહેતી એક કેન્યાની મહિલાને પોલીસે ઝડપી પાડી છે. આ મહિલા પોતાની ઓળખ છુપાવીને શહેરની વિવિધ હોટલોમાં રોકાતી હોવાનું તપાસમાં બહાર આવ્યું છે.

એફઆરઆરઓ (FRRO) દ્વારા મળેલી બાતમીના આધારે નરોડા પોલીસે નાના ચિલોડા પાસેની હોટલ નોવા બ્લુમાં દરોડો પાડ્યો હતો. તપાસ દરમિયાન મહિલાએ પોતાની ઓળખ તાન્ઝાનિયાની નાગરિક તરીકે આપી હતી, પરંતુ તેના પાસપોર્ટમાં ફોટો મેચ થતો નહોતો.

પોલીસની કડક પૂછપરછમાં જાણવા મળ્યું કે પકડાયેલ મહિલાનું અસલી નામ આર્ચિંગ રેબેકા અવુર છે અને તે કેન્યાની વતની છે. તે વર્ષ ૨૦૨૨માં એક મહિનાના ટૂરિસ્ટ વિઝા પર ભારત આવી હતી, જેની મુદત તે જ વર્ષે પૂરી થઈ ગઈ હતી.

વિઝાની મુદત પૂરી થયા બાદ ભારતમાં ગેરકાયદેસર રીતે રહેવા માટે તેણે હરિયાણામાં રહેતી તેની એક ફ્રેન્ડની મદદ લીધી હતી. તેની મિત્ર સલીમ સુમૈયાના પાસપોર્ટમાં છેડછાડ કરીને તેણે નકલી તાન્ઝાનિયન પાસપોર્ટ તૈયાર કરાવ્યો હોવાનું ખુલ્યું છે.

નરોડા પોલીસે આ મામલે કેન્યાની મહિલા અને તેને મદદ કરનાર તેની મિત્ર વિરુદ્ધ ગુનો નોંધી કાયદેસરની કાર્યવાહી હાથ ધરી છે. આ મહિલા અત્યાર સુધી કઈ કઈ જગ્યાએ રોકાઈ હતી તે અંગે પોલીસ અત્યારે ઊંડી તપાસ ચલાવી રહી છે.

વિદેશી નાગરિકો દ્વારા નકલી દસ્તાવેજોના આધારે થતા ઘૂસણખોરીના કેસ વધતા હવે પોલીસ હોટલોમાં રોકાતા વિદેશી મહેમાનોના ડેટાનું સઘન વેરિફિકેશન કરી રહી છે. આ ઘટનાને પગલે શહેરની અન્ય હોટલોને પણ સતર્ક રહેવા સૂચના અપાઈ છે.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
loader
X