Gujarat Election: કોંગ્રેસે જાહેર કરી ત્રીજી યાદી, ઈન્દ્રનીલ રાજ્યગુરુને રાજકોટથી આપી ટિકિટ

કોંગ્રેસ પાર્ટીએ શુક્રવારે ગુજરાત વિધાનસભા ચૂંટણી માટે તેના સાત ઉમેદવારોની યાદી જાહેર કરી છે.

Gujarat Assembly Election 2022: ગુજરાત વિધાનસભા ચૂંટણી 2022ની તારીખો જાહેર કરવામાં આવી ચૂકી છે. કોંગ્રેસ પાર્ટીએ શુક્રવારે ગુજરાત વિધાનસભા ચૂંટણી માટે તેના સાત ઉમેદવારોની યાદી જાહેર કરી છે. કોંગ્રેસે આજે જે યાદી જાહેર કરી છે તેમાં ઈન્દ્રનીલ રાજ્યગુરુનુ નામ સામેલ છે. જેઓ આમ આદમી પાર્ટી છોડીને કોંગ્રેસમાં જોડાયા છે. તેમને રાજકોટથી કોંગ્રેસની ટિકિટ આપવામાં આવી છે.

કોંગ્રેસની યાદી મુજબ રાપરથી બચુભાઈ અરેઠીયા, વઢવાણથી તરુણ ગઢવી, રાજકોટ ઈસ્ટથી ઈન્દ્રનીલ રાજ્યગુરુ, ધારીથી ડૉ. કિરીટ બોરીસાગર, નાંદોદથી હરેશ વસાવા, નવસારીથી દિપક બરોથન, ગણદેવીથી અશોકભાઈ પટેલને ટિકિટ આપવામાં આવી છે. તમને જણાવી દઈએ કે ગણદેવી બેઠક પર કોંગ્રેસે અગાઉ શંકર પટેલને ઉમેદવાર જાહેર કર્યા હદતા જ્યાં બદલીને ત્રીજી યાદીમાં અશોકભાઈ પટેલનુ નામ જાહેર કર્યુ છે.

ઉલ્લેખનીય છે કે ગુજરાત વિધાનસભાની ચૂંટણીની તારીખો જાહેર થઈ ગઈ છે. 1 અને 5 ડિસેમ્બરે બે તબક્કામાં ચૂંટણી યોજાશે. રાજકીય પક્ષો જોરશોરથી પ્રચારમાં વ્યસ્ત છે. ભાજપે 160 બેઠકો પર ઉમેદવારોની યાદી જાહેર કરી દીધી છે. આપે લગભગ 170થી વધુ બેઠકો પર ઉમેદવારો જાહેર કરી દીધા છે. કોંગ્રેસે પ્રથમ યાદીમાં 43, બીજી યાદીમાં 46 અને આજે ત્રીજી યાદીમાં સાત ઉમેદવારો જાહેર કર્યા છે. કોંગ્રેસ અત્યાર સુધીમાં 96 ઉમેદવાર જાહેર કર્યા છે.

Congress has released the names of six new candidates while one candidate is being replaced - Ashokbhai Lallubhai Patel to be the party's candidate from Gandevi. #GujaratElections2022 pic.twitter.com/CenpDkSKyb

— ANI (@ANI) November 11, 2022

English summary

Gujarat Assembly Election 2022: Congress released the third list of seven candidates, Indranil got ticket from Rajkot