Gujarat Budget: શ્રમિકો માટે અન્નપૂર્ણા કેન્દ્રો અને વિદ્યાર્થીઓ માટે શિષ્યવૃત્તિનો વરસાદ, જાણો માસ્ટરપ્લાન

Gujarat Budget 2026: ગુજરાત સરકાર દ્વારા રજૂ કરવામાં આવેલા વર્ષ 2026-27ના બજેટમાં શ્રમિકો, યુવાનો અને વિદ્યાર્થીઓ માટે મોટી જાહેરાતો કરવામાં આવી છે. 'માનવીય વિકાસ'ને કેન્દ્રમાં રાખીને નાણામંત્રીએ સમાજના દરેક વર્ગના ઉત્થાન માટે બજેટની તિજોરી ખોલી છે. ખાસ કરીને શિક્ષણ અને કૌશલ્ય વિકાસ દ્વારા યુવાનોને આત્મનિર્ભર બનાવવાનું લક્ષ્ય રાખવામાં આવ્યું છે.

શ્રમિક કલ્યાણ: પૌષ્ટિક ભોજન અને આરોગ્ય સેવા

બાંધકામ ક્ષેત્રે સંકળાયેલા શ્રમિકો માટે સરકાર 'સુખાકારી' અભિયાન તેજ કરશે:

• નવા અન્નપૂર્ણા કેન્દ્રો: રાજ્યમાં 121 નવા શ્રમિક અન્નપૂર્ણા કેન્દ્રો શરૂ કરાશે, જ્યાં શ્રમિકોને પૌષ્ટિક ભોજન મળશે.
• ધન્વંતરિ આરોગ્ય રથ: બાંધકામ સાઇટ પર જ તબીબી સારવાર માટે વધુ 50 નવા આરોગ્ય રથ દોડતા કરવામાં આવશે. આ યોજનાઓ માટે કુલ ₹260 કરોડ ફાળવાયા છે.

ગ્રામીણ રોજગાર: કામના દિવસોમાં વધારો

ગ્રામીણ વિસ્તારોમાં રોજગારીની તકો વધારવા માટે VB-GRAM G મિશન હેઠળ મહત્વનો નિર્ણય લેવાયો છે:

• રોજગારીના દિવસોની સંખ્યા 100થી વધારીને 125 કરવામાં આવી છે.
• આ મિશન માટે ₹1500 કરોડનું મંગી કરવામાં આવ્યું છે, જેથી ગ્રામીણ પરિવારોની આવક વધશે.

શિક્ષણ અને શિષ્યવૃત્તિ: આવક મર્યાદામાં મોટો વધારો

રાજ્યની 36% યુવા વસ્તીને ધ્યાનમાં રાખીને શિક્ષણ ક્ષેત્રે ક્રાંતિકારી ફેરફારો સૂચવાયા છે:

• શિષ્યવૃત્તિનો વ્યાપ: અંદાજે 97 લાખ વિદ્યાર્થીઓને ₹5967 કરોડની શિષ્યવૃત્તિ અપાશે.
• આવક મર્યાદા: SC/ST વિદ્યાર્થીઓ માટે પોસ્ટ-મેટ્રિક શિષ્યવૃત્તિની આવક મર્યાદા ₹2.5 લાખથી વધારીને ₹6 લાખ કરવામાં આવી છે.
• નિવાસ સહાય: આશ્રમશાળાઓ અને છાત્રાલયોમાં રહેતા વિદ્યાર્થીઓની માસિક સહાય વધારીને ₹2500 કરાઈ છે.

શાળા અને પુસ્તકાલયનું આધુનિકીકરણ

• PM શ્રી શાળાઓ: શિક્ષણની ગુણવત્તા સુધારવા 926 નવી પી.એમ. શ્રી શાળાઓ શરૂ થશે.
• નમો સેન્ટ્રલ લાઇબ્રેરી: ગાંધીનગરમાં ₹100 કરોડના ખર્ચે દેશની સૌથી મોટી અત્યાધુનિક લાઈબ્રેરી બનશે. આદિજાતિ વિસ્તારોમાં ભગવાન બિરસા મુંડા લાઇબ્રેરીની સ્થાપના થશે.
• સંકલિત શાળાઓ: બાલવાટિકાથી ધોરણ-10 સુધીના એક જ કેમ્પસના શિક્ષણ માટે ₹120 કરોડની જોગવાઈ.

રોજગાર અને કૌશલ્ય વિકાસ

• નમો સરસ્વતી યોજના: વિજ્ઞાન પ્રવાહના વિદ્યાર્થીઓ માટે ₹250 કરોડ ફાળવાયા.
• એપ્રેન્ટિસશીપ: મુખ્યમંત્રી એપ્રેન્ટિસશીપ યોજના હેઠળ તાલીમાર્થીઓની માસિક સહાય માટે ₹80 કરોડ.
• રિસર્ચ પાર્ક: અમદાવાદની L.D. Engineering College ખાતે IIT મોડલ પર રિસર્ચ પાર્ક બનાવવા ₹51 કરોડની જોગવાઈ.

મુખ્ય હાઈલાઈટ્સ

• યુવા શક્તિ: કૌશલ્ય મિશન માટે ₹226 કરોડની ફાળવણી.
• ગરીબ કલ્યાણ: શ્રમિકોના બાળકો માટે શિક્ષણ અને આરોગ્ય પર ભાર.
• ડિજિટલ એજ્યુકેશન: શાળાઓમાં સ્માર્ટ ક્લાસ અને ટેકનોલોજીનો ઉપયોગ વધશે.

English summary

Gujarat Budget 2026: Massive Boost for Education & Jobs, 121 New Shramik Annapurna Centers and Scholarship Hikes Announced