Gujarat Crime News: ફરી મળ્યું ગુજરાતમાંથી ડ્રગ્સ, દરિયાકાંઠેથી જપ્ત કરાયું 11 કરોડની કિંમતનું 21 કિલો ચરસ
Gujarat Crime News: દેવભૂમિ દ્વારકા જિલ્લામાંથી 32 કિલોગ્રામ ડ્રગ્સ જપ્ત કર્યાના માત્ર ત્રણ દિવસ પછી, કાયદા અમલીકરણ એજન્સીઓએ દ્વારકામાં અરબી સમુદ્રના કિનારે 21 કિલો ચરસનો વધુ એક લોટ જપ્ત કર્યો છે.
જપ્ત કરવામાં આવેલા નશીલા પદાર્થોની આંતરરાષ્ટ્રીય બજારમાં કિંમત અંદાજે 11 કરોડ રૂપિયા છે. આ ચરસના પેકેટ મોજપ કિનારેથી 20 પેકેટ જપ્ત કરવામાં આવ્યા છે.
નોંધનીય બાબત છે કે, અબડાસાના કડુલી ગામ પાસે પેટ્રોલિંગ દરમિયાન કચ્છ પોલીસને શંકાસ્પદ માદક પદાર્થના 11.715 કિલોના 10 પેકેટ મળી આવ્યા હતા. આ ડ્રગ્સના પેકેટની કિંમત આંતરરાષ્ટ્રીય બજારમાં 5,85,75,000 છે.
ઉલ્લેખનીય છે કે, દ્વારકાના દરિયાકાંઠે અરબી સમુદ્રમાંથી વધુ એક જપ્તીમાં 30 કિલોગ્રામ નશીલા પદાર્થનો જથ્થો મળી આવ્યો હતો. 32 કિલો ચરસ ધરાવતાં પેકેટ, જેની આંતરરાષ્ટ્રીય બજારમાં કિંમત આશરે રૂપિયા 16 કરોડ રૂપિયા 8 જૂનની વહેલી સવારે દરિયામાં તરતા મળી આવ્યા હતા.
દ્વારકા પોલીસ અને એફએસએલની ટીમે ડ્રગ્સના મૂળ પર ધ્યાન કેન્દ્રિત કરીને કેસની તપાસ શરૂ કરી હતી. આ દરમિયાન નજીકના વિસ્તારોમાં પણ સર્ચ ઓપરેશન ચાલી રહ્યું હતું. તસવીરો અનુસાર, ડ્રગ્સનું મૂળ અફઘાનિસ્તાન છે, અને પેકેટ પર નાર્કો અને સ્ટેગ નામો લખેલું છે.
Click it and Unblock the Notifications
Sign in with Google
