માર્ચ મહિનામાં જ ગરમી રડાવશે, અલ-નીનોને લઈને મોટી આગાહી
ગુજરાતમાં શિયાળાની વિદાય સાથે જ હવે ઉનાળાએ આક્રમક તેવર બતાવવાનું શરૂ કર્યું છે. હવામાન વિભાગના જણાવ્યા અનુસાર, ચાલુ વર્ષે હોળી પહેલા જ રાજ્યમાં ભયાનક ગરમી પડવાની શક્યતા છે.
અમદાવાદ સહિત રાજ્યના વિવિધ શહેરોમાં આજથી જ તાપમાનમાં વધારો નોંધાવાની શરૂઆત થઈ જશે. માર્ચ મહિનાની શરૂઆતમાં જ પારો 38 ડિગ્રી સુધી પહોંચતા લોકોએ અત્યારથી જ બફારો અનુભવવો પડશે.
હવામાન વિભાગે સૌરાષ્ટ્ર અને કચ્છના વિસ્તારો માટે આગામી 5 થી 8 માર્ચ દરમિયાન 'યલો એલર્ટ' જાહેર કર્યું છે. આ દિવસો દરમિયાન દરિયાકાંઠાના વિસ્તારોમાં ગરમ પવનો ફૂંકાતા હીટવેવ જેવી સ્થિતિ સર્જાઈ શકે છે.
ચાલુ વર્ષે પ્રશાંત મહાસાગરમાં 'અલ નીનો' સિસ્ટમ સક્રિય થવાને કારણે ગરમીના તમામ રેકોર્ડ તૂટી શકે છે. આ કુદરતી ફેરફારને લીધે વાતાવરણમાં ભેજનું પ્રમાણ ઘટશે અને સખત લૂ ફૂંકાવાની શક્યતા છે.
માર્ચના બીજા સપ્તાહ એટલે કે 10 માર્ચ પછી તાપમાનમાં મોટો ઉછાળો જોવા મળી શકે તેમ છે. મહિનાના અંત સુધીમાં રાજ્યના કેટલાક ભાગોમાં તાપમાનનો પારો 43 ડિગ્રી સુધી પહોંચવાની આશંકા છે.
હિમાલયન ક્ષેત્રમાં સક્રિય થયેલા વેસ્ટર્ન ડિસ્ટર્બન્સને કારણે હાલ વાતાવરણમાં થોડો ભેજ જોવા મળી રહ્યો છે. જોકે, 11 માર્ચ પછી વાદળો હટતાની સાથે જ સૂર્યના આકરા કિરણો સીધા જમીન પર ત્રાટકશે.
અલ નીનોની અસરને કારણે દરિયાઈ સપાટી ગરમ થતા ઠંડા પવનોની ગતિ સાવ મંદ પડી જશે. આ સ્થિતિને પગલે લઘુત્તમ અને મહત્તમ તાપમાનમાં મોટો તફાવત સર્જાશે, જે સ્વાસ્થ્ય માટે પણ જોખમી છે.
Click it and Unblock the Notifications
Sign in with Google
