ભારે વરસાદના પગલે વડોદરા બેહાલ, 6ના મોત, શાળા કોલેજો બંધ

હાલમાં ભારે વરસાદના કારણે ગુજરાત બેહાલ છે. રાજ્યના ઘણા શહેરોમાં આજે ભારે વરસાદ થયો છે જેના કારણે સ્થિતિ ઘણી ખરાબ થઈ ગઈ છે. અમદાવાદ, વડોદરા, વલસાડ, નવસારી, રાજકોટ, સુરત સહિત ઘણા શહેરોમાં ભારે વરસાદ થઈ રહ્યો છે. વડોદરામાં માત્ર છ કલાકમાં 10 ઈંચ વરસાદ થવાથી જનજીવન અસ્તવ્યસ્ત થઈ ગયુ છે. માહિતી અનુસાર વડોદરામાં ભારે વરસાદના કારણે અત્યાર સુધી 6 લોકો મોતના શિકાર થઈ ગયા છે.

ભારે વરસાદથી બેહાલ વડોદરા

વરસાદના કારણે આજે અહીં શાળા કોલેજો અને કોર્ટ બધુ બંધ છે અને લોકોને ઘરમાંથી બહાર ન નીકળવાની ચેતવણી આપવામાં આવી છે. હવામાન વિભાગે આગામી પાંચ દિવસો સુધી ગુજરાતમાં ભારે વરસાદની ચેતવણી આપી છે. સીએમ વિજય રૂપાણીએ ભારે વરસારના પગલે ઉચ્ચ સ્તરીય બેઠક કરી છે. સીએમે સ્થાનિક પ્રશાસનની મદદ કરવા માટે બે આઈએએસ અધિકારીઓને જવાબદારી સોંપી છે. બેઠક દરમિયાન સીએમ રૂપાણીએ લોકોને નીચાણવાળા વિસ્તારમાંથી હટવા માટે પણ કહ્યુ છે.

Gujarat: Heavy rains lead to flash floods in Vadodara. Chief Minister Vijay Rupani held a high-level meeting, yesterday, to review torrential rain situation in the city & deputed 2 IAS officers to provide guidance to local administration. pic.twitter.com/XhCKd8NkH6

— ANI (@ANI) 1 August 2019

ગુજરાતમાં ભારે વરસાદનું એલર્ટ

ચોમાસાનુ લો પ્રેશર ગુજરાતમાં સારો વરસાદ કરાવી શકે છે. હવામાન વિભાગે અહીં આગામી પાંચ દિવસ સુધી વરસાદ થવાનુ અનુમાન વ્યક્ત કર્યુ છે. વળી, સરકારી આંકડા મુજબ રાજ્યમાં અત્યાર સુધી 58 લાખ હેક્ટરમાં પાક વાવણી થઈ ચૂકી છે. જો વરસાદ ચાલુ રહેશે તો ખેડૂતો માટે લાભકારક રહેશે. જો કે ક્યાંક ક્યાંક મૂસળધાર વરસાદથી સંકટ પણ ઉભુ થઈ શકે છે. જે વિસ્તારોમાં ભારે વરસાદ થયો છે ત્યાં એનડીઆરએફની 15 ટીમો તૈનાત કરવામાં આવી છે. આ ઉપરાંત ગાંધીનગરમાં ચોમાસાની સમીક્ષા માટે વેધર વૉચની મીટિંગમાં અમુક મહત્વપૂર્ણ નિર્ણય લેવામાં આવ્યા છે.

Gujarat: National Disaster Response Force (NDRF) personnel rescue people in Vadodara following flash floods in the city, due to heavy rainfall. pic.twitter.com/7L8UtFZQQ6

— ANI (@ANI) 1 August 2019

સૌરાષ્ટ્રમાં હાઈ એલર્ટ

સૌરાષ્ટ્રમાં વરસાદના કારણે અમુક ક્ષેત્રોમાં બંધ પર હાઈ એલર્ટ અને એલર્ટ પર રાખવામાં આવ્યા છે. રાજ્યભરમાં વધુ વરસાદવાળા વિસ્તારોમાં એનડીઆરએફની ટીમ સાથે પ્રશાસનિક સેવા પણ સતર્ક કરી દેવામાં આવી છે. પ્રત્યેક ટીમને નવસારી, વલસાડ, ઓલપાડ, ઉપલેટા, રાજકોટ, ગિર સોમનાથ, પાટણ, અરવલ્લી, પાલનપુર, ભૂજ અને દાહોદમાં તૈનાત કરવામાં આવ્યા છે. જ્યારે એક ટીમ વડોદરા અને ત્રણ ગાંધીનગરમાં તૈનાત કરવામાં આવી છે.

ભારે વરસાદનું અનુમાન

ભારતીય હવામાન વિભાગે કહ્યુ છે કે પૂર્વી મધ્ય પ્રદેશમાં હવાના દબાણના કારણે દક્ષિણ ગુજરાત સાથે સાથે રાજ્યના વિવિધ ભાગોમાં 4 ઓગસ્ટ સુધી ભારે વરસાદ થશે. સૌરાષ્ટ્રના દ્વારકા, જામનગર અને કચ્છ ક્ષેત્રમાં નીચા દબાણના કારણે સૌરાષ્ટ્ર, કચ્છ અને ઉત્તર ગુજરાતમાં ભારે વરસાદ થવાનું અનુમાન છે.

English summary

gujarat heavy rains lead to flash floods in vadodara, 6 dead school college closed today