Gujarat Local Body Election: સ્થાનિક સ્વરાજની ચૂંટણી પહેલા જ ઉનામાં ભાજપ જીત્યું
Gujarat Local Body Election: સ્થાનિક સ્વરાજની ચૂંટણી પહેલા જ ઉનામાં ભાજપ જીત્યું
ગુજરાતમાં સ્થાનિક સ્વરાજની ચૂંટણીઓ થઈ રહી છે. ભારતીય જનતા પાર્ટીએ ગુજરાતના ગિર સોમનાથ જિલ્લામાં ઉના નગરપાલિકા અને મહેસાણા જિલ્લામાં કડી નગરપાલિકામાં જીતનો દાવો કર્યો છે. કોંગ્રેસ અને અન્ય પ્રતિદ્વંદ્વી ઉમેદવારોના મંગળવારે કેટલીય સીટ પરથી નામાંકન પરત લીધા બાદ ભાજપના મોટાભાગના ઉમેદવારો બિનહરીફ ચૂંટાયા છે. ઉનામાં કોંગ્રેસના 19 અને અન્ય 13 લોકોએ મંગળવારે પોતાનાં નામ પાછા ખેંચી લીધાં.
28 ફેબ્રુઆરીએ માત્ર 15 સીટ પર ચૂંટણી થશે
હવે 36 ભાજપ ઉમેદવાર ઉપરાંત માત્ર 12 કોંગ્રેસ ઉમેદવાર અન 3 અપક્ષ ઉમેદવારો જ મેદાનમાં છે. 28 ફેબ્રુઆરીએ યોજાનાર ચૂંટણીમાં માત્ર 15 સીટ પર જ મતદાન થશે. કુલ 33 ઉમેદવારો તરફથી નામ પરત ખેંચાયા બાદ ભાજપને 21 સીટ મળી ગઈ છે. આટલી સીટ ઉના નગરપાલિકાના જનરલ બોર્ડમાં બહુમતથી બે વધુ છે. પાછલા 25 વર્ષોથી કોંગ્રેસે આ નગરપાલિકા નથી જીતી.
કોંગ્રેસે ભાજપ પર ગંભીર આરોપો લગાવ્યા
કોંગ્રેસના ગિર સોમનાથ જિલ્લાના અધ્યક્ષ મનસુખ ગોહેલે ઈન્ડિયન એક્સપ્રેસને કહ્યું કે તેમણે બધા જ ઉમેદવારોને સ્પષ્ટીકરણ માટે બોલાવ્યા છે.
કોંગ્રેસના સ્થાનિક નેતા તલવિયાએ આરોપ લગાવ્યો કે ભાજપે અમારા ઉમેદવારોને નામાંકન પરત લેવા માટે ધમકાવ્યા, અપહરણ કર્યું અને ડરાવ્યા છે. અમારા ઉમેદવારો એટલા ભાયભીત છે કે તેઓ પોલીસ ફરિયાદ કરવા માટે આગળ આવવા પણ તૈયાર નથી.
ભાજપે આટલી સીટો જીતી
ભાજપના ઉના શહેરના અધ્યક્ષ મિતેશ શાહે તલવિયાના આરોપોને ફગાવતા કહ્યું કે આવા પ્રકારના આરોપો પાયાવિહોણા છે. ભાજપે કહ્યું કે તેમણે 36માંથી 26 સીટ જીતી છે. ભાજપ પહેલેથી જ નગરપાલિકામાં સત્તા પર હતી. વડોદરામાં એક ચૂંટણી રેલીમાં ગુજરાત ભાજપના પ્રમુખ સીઆર પાટિલે કહ્યું કે પાર્ટીએ કુલ 219 સીટ પર જીત નોંધાવી છે, જેમાં જિલ્લા પંચાયતમાં 24 સીટ, તાલુકા પંચાયતોમાં 110 અને રાજ્યભરમાં નગરપાલિકાઓમાં 85 સીટ સામેલ છે.
PM મોદી આજે નેસકૉમ ટેકનોલૉજી એન્ડ લીડરશીપ ફોરમને કરશે સંબોધિત, જાણો ખાસ વાતો