રાજ્ય સભામાં નોટાના ઉપયોગ મામલે કોંગ્રેસ પહોંચી સુપ્રીમ કોર્ટ
ગુજરાત રાજ્યસભાની ચૂંટણી પહેલા કોંગ્રેસે નોટાનો વિકલ્પ મામલે સુપ્રીમ કોર્ટનો દરવાજો ખખડાવ્યો છે. કોંગ્રેસે ચૂંટણી પંચ તરફથી આપવામાં આવતા આ વિશેષ અધિકારનો વિરોધ કર્યો છે. તે મામલે ભાજપે શું કહ્યું જાણો
રાજ્યમાં યોજાનાર ત્રણ સીટ માટેની રાજ્યસભાની ચૂંટણીના લીધે ભર ચોમાસે ગરમાવો આવી ગયો છે. નોટાના ઉપયોગને લઇને ભાજપ કોંગ્રેસના અલગ અલગ મત જોવા મળે છે. ઉલ્લેખનીય છે કે ચૂંટણીપંચે આ ચૂંટણીમાં મતદાતાઓને નોટાનો વિકલ્પ આપ્યો છે. નોટાનો મતલબ થાય છે ઉપરોક્ત કોઇ પણ નહીં એટલે કે નન ઓફ ધ અબાઉ. જે હેઠળ મતદાતા ભાગ લેનાર તમામ ઉમેદવારોમાંથી કોઇને પણ ન ચૂંટવાનો વિશેષ અધિકારી વ્યક્ત કરી શકે છે.જો કે ગુજરાત કોંગ્રેસે આ અંગે ચૂંટણી પક્ષ આગળ પોતાનો વિરોધ દર્શાવ્યો છે. અને તે માટે સુપ્રિમ કોર્ટનો રસ્તો પકડ્યો છે. 8 ઓગસ્ટ આ ચૂંટણી થવાની હોવાના કારણે ગુરુવારે જ આ મામલે સુનવણી થશે.
કોંગ્રેસે ચૂંટણી આયોગ તરફથી ગુજરાત રાજ્ય સભાની ચૂંટણીમાં નોટાના વિકલ્પનો વિરોધ કર્યો છે. અને તેને અસંવૈધાનિક જણાવ્યું છે. કોંગ્રેસના નેતા અહેમદ પટેલ પણ પોતાના ટ્વિટર એકાઉન્ટમાં આ અંગે વિરોધ દર્શાવ્યો છે. તેમણે જણાવ્યુ હતું કે, પહેલા રાજ્યસભાની ચૂંટણીને પાછળ ઠેલવી અને ત્યાર બાદ નોટાનો ઉપયોગ કરવાની જાહેરાત કરાવી દીધી, આના પાછળ શું કારણ ચૂંટણી પંચ જ જાણે. ઉલ્લેખનીય છે કે કોંગ્રેસ તરફથી અહેમદ પટેલ આ ચૂંટણી લડી રહ્યા છે.
First Rajya Sabha election was postponed,Second NOTA was permitted post notification. Reasons best known to the Election Commission
— Ahmed Patel (@ahmedpatel) August 1, 2017
તો સામે પક્ષે આ મામલે બોલતા અરુણ જેટલીએ કહ્યું છે કે લાંબા સમયથી આ વિકલ્પ ઉપલબ્ધ હતો જ અને સુપ્રિમ કોર્ટે પણ પહેલા આ વિકલ્પને આવકાર્યો છે. તો તેમાં કંઇ પણ અયોગ્ય નથી. વધુમાં ભાજપના જીતુ વાઘાણીએ પણ નોટા અંગે અહેમદ પટેલની ટિપ્પણી પર જવાબ આપતા કહ્યું છે કે આટલા મોટા નેતાને ચૂંટણીના નિયમોની ખબર ના હોય તેનાથી મોટી વાત બીજી શું હોઇ શકે.
Click it and Unblock the Notifications
Sign in with Google
