ગુજરાતના ઘણા જિલ્લાઓમાં વાતાવરણમાં પલ્ટો, માવઠાને લઈને હવામાન વિભાગની નવી આગાહી
ગુજરાતના વાતાવરણમાં ફરી એકવાર મોટો પલટો આવવાની શક્યતા છે. હવામાન વિભાગે આગામી 18 થી 20 માર્ચ દરમિયાન રાજ્યમાં કમોસમી વરસાદની આગાહી કરી છે.
ભર ઉનાળામાં પશ્ચિમી વિક્ષેપ સક્રિય થતા રાજ્યના 20થી વધુ જિલ્લાઓમાં માવઠું પડી શકે છે. આ બદલાતા હવામાનના કારણે હવે ચોમાસા જેવો માહોલ સર્જાય તેવી સ્થિતિ છે.
આગાહી મુજબ આગામી દિવસોમાં રાજ્યના મહત્તમ તાપમાનમાં 4 ડિગ્રી સુધીનો ઘટાડો નોંધાશે. ગરમીની વચ્ચે વરસાદી માહોલ સર્જાતા ખેડૂતોમાં ઊભા પાકને લઈ ચિંતા જોવા મળી રહી છે.
18 માર્ચના રોજ કચ્છ, પાટણ, બનાસકાંઠા અને સાબરકાંઠામાં વરસાદની પ્રબળ સંભાવનાઓ રહેલી છે. આ ઉપરાંત જામનગર, મોરબી અને દ્વારકા જિલ્લામાં પણ વાદળછાયું વાતાવરણ જોવા મળી શકે છે.
હવામાન વિભાગના જણાવ્યા અનુસાર 19 માર્ચના રોજ રાજ્યના સૌથી વધુ 22 જિલ્લાઓમાં વરસાદી માહોલ રહેશે. વારંવાર બદલાતા આ વાતાવરણની સીધી અસર જનજીવન અને ખેતી પર પડી શકે છે.
Click it and Unblock the Notifications
Sign in with Google
