Gujarat Weather: ગુજરાતમાં ફરી ભારે વરસાદની આગાહી, નવરાત્રીમાં ખેલૈયાઓના રંગમાં ભંગ પાડી શકે છે વરસાદ
Gujarat Weather: ગુજરાતમાં ફરી વરસાદની આગાહી હવામાન વિભાગ દ્વારા કરવામાં આવી છે, રાજ્યમાં નવરાત્રિના રંગમાં વરસાદ પાડી શકે છે ભંગ કેમકે, અપર એર સાયક્લોનિક સર્ક્યુલેશન સિસ્ટમ સક્રિય થઈ હોવાથી વરસાદની આગાહી કરવામાં આવી છે, રાજ્યમાં આજે સામાન્યથી મધ્યમ વરસાદની આગાહી કરવામાં આવી છે, ઉત્તર ગુજરાત અને કચ્છમાંથી ચોમાસાની વિદાય થઈ છે, તો પણ ચોમાસાની વિદાય વચ્ચે પણ વરસાદની આગાહી કરવામાં આવી છે.
હવામાન વિભાગની આગાહી
હવામાન વિભાગના અહેવાલ મુજબ આગામી 24 કલાક રાજ્યના અરવલ્લી, ખેડા, સાબરકાંઠા, ગાંધીનગર, અમદાવાદ, આણંદ, પંચમહાલ, દાહોદ, મહિસાગર સહિતના જિલ્લાઓમાં છુટા છવાયા સ્થળોએ સામાન્યથી મધ્યમ વરસાદ તો ક્યાંક ક્યાંક ભારે વરસાદની શક્યતા છે. જ્યારે દક્ષિણ ગુજરાત પ્રદેશના તમામ જિલ્લાઓમાં મોટાભાગના વિસ્તારોમાં, જેમ કે વલસાડ, સુરત, તાપી, નવસારી અને દમણ, દાદરા અને નગર હવેલી; તેમજ મધ્ય ગુજરાતના વડોદરા, છોટા ઉદેપુર, નર્મદા, ભરૂચમાં આજે સામાન્યથી મધ્ય વરસાદ પડી શકે છે. તેમજ સૌરાષ્ટ્ર કચ્છના જિલ્લાઓ ખાસ કરીને પોરબંદર, જૂનાગઢ, અમરેલી, ભાવનગર, મોરબી, સુરેન્દ્રનગર, રાજકોટ, જામનગર, દ્વારકા, ગીર સોમનાથ, બોટાદ અને દીવ સહિતના વિસ્તારોમાં થોડાક સ્થળોએ વરસાદી ઝાપટા પડી શકે છે. તો રાજ્યના બાકીના જિલ્લાઓમાં શુષ્ક હવામાનની રહેવાની શક્યતા છે.
અમદાવાદમાં વહેલી સવારથી વરસાદ વરસી રહ્યો છે
અમદાવાદ શહેરમાં વહેલી સવારથી વરસાદ વરસી રહ્યો છે, વસ્ત્રાપુર, નવા વાડજ, રાણીપ, ગોતા, એસજી હાઈવે, બોડકદેવ, સિંધુ ભવન રોડ, કાલુપુર, રાયપુર, જમાલપુર, ખાડિયા, રાયખડ, નિકોલ, નારોલ, નરોડા, ઠક્કરબાપાનગર, મેમનગર, બાપુનગર, વિજય ચાર રસ્તામાં વરસાદ વરસી રહ્યો છે.
રાજ્યમાં છેલ્લા 24 કલાકમાં 81 તાલુકામાં વરસાદ નોંધાયો
રાજ્યમાં છેલ્લા 24 કલાકમાં 81 તાલુકામાં વરસાદ નોંધાયો છે, સૌથી વધુ વાગરામાં 3.78 ઇંચ વરસાદ, સુરતમાં 3.31 ઇંચ, લાઠીમાં 2.13 ઇંચ વરસાદ, ગઢડામાં 1.97 ઇંચ, વંથલીમાં 1.81 ઇંચ વરસાદ, બાબરામાં 1.77 ઇંચ, લિલિયામાં 1.54 ઇંચ વરસાદ, તળાજામાં 1.42 ઇંચ, કામરેજમાં 1.18 ઇંચ વરસાદ, વાઘોડિયામાં 1.18 ઇંચ, ઝઘડિયામાં 1.14 ઇંચ વરસાદ, ગરબાડામાં 1.02 ઇંચ, વડોદરામાં 0.98 ઇંચ વરસાદ નોંધાયો છે.
Click it and Unblock the Notifications
Sign in with Google
