હાર્દિક પટેલના વધુ 10 કથિત વીડિયો વાયરલ
ચૂંટણીના થોડા સમય પહેલા જ હાર્દિક પટેલના વધુ 10 કથિત વીડિયો બહાર આવ્યા. જેમાં તેના જેવા દેખાતો વ્યક્તિ અને યુવતી દેખાય છે.
પાટીદાર અનામત આંદોલનના નેતા હાર્દિક પટેલના બુધવારે 5 કથિત વીડિયો બહાર પડ્યા પછી ગુરુવારે વધુ 10 કથિત વીડિયો સામે આવ્યા છે. હાર્દિક પટેલ એન્ડ ગેંગ નામથી યુટ્યૂબમાં અપલોડ થયેલા આ વીડિયો સોશ્યલ મીડિયામાં પણ વાયરલ થઇ ચૂક્યા છે. જો કે આ વીડિયો કેટલા સાચા છે કે ખોટા તે વાતની પૃષ્ઠી અમે નથી કરતા. પણ ચોક્કસથી ગુજરાત વિધાનસભાની ચૂંટણીના એક દિવસ પહેલા જ્યાં હાર્દિક એક પછી એક સભાઓ કરી રહ્યો છે ત્યાં જ બીજી તરફ તેના એક પછી એક વીડિયો પણ બહાર આવી રહ્યા છે.
જો કે હાર્દિકે પટેલ હંમેશાથી આ બધા વીડિયો રાજકારણમાં ઇમેજ બગાડવાની એક ટ્રીક તરીકે ઓળખાવતો આવે છે. તો બીજી તરફ યુ ટ્યૂબ દ્વારા આ કથિત વીડિયો વાયરલ કરીને હાર્દિક પટેલની લોકપ્રિયતાને ઓછી કરવાનો પ્રયાસ કરવામાં આવી રહ્યો છે. જો કે તે વાત પણ એટલી જ સાચી છે કે તેના આટલા બધા કથિત વીડિયો વાયરલ થયા હોવા છતાં તેની લોકપ્રિયતા હજી પણ તેવીની તેવી જ છે. અને છેલ્લા થોડા સમયથી તો હાર્દિક પટેલે ખુલ્લે આમ ભાજપને વોટ ન આપવા મામલે લોકોને શપથવિધિ પણ કરાવી રહ્યો છે. વધુમાં તેની સભામાં સ્વયંભૂ આવતી ભીડને જોઇને રાજકીય નેતાઓ અને રાજકીય પાર્ટીઓમાં પણ ચિંતા વ્યાપી છે.
Click it and Unblock the Notifications
Sign in with Google
